皇家金边大学出席公务员招录志愿者表彰大会 强调考试透明度

**សាកលវិទ្យាល័យភូមិន្ទភ្នំពេញ (RUPP) ចូលរួមក្នុងពិធីសំណេះសំណាល និងថ្លែងអំណរគុណដល់អ្នកសង្កេតការណ៍ស្ម័គ្រចិត្ត** **ភ្នំពេញ៖** នាព្រឹកថ្ងៃពុធ ទី១៧ ខែមិថុនា ឆ្នាំ២០២៦ នៅសាលាភូមិន្ទរដ្ឋបាល ឯកឧត្តមសាស្ត្រាចារ្យ **ជេត ជាលី** សាកលវិទ្យាធិការនៃសាកលវិទ្យាល័យភូមិន្ទភ្នំពេញ បានដឹកនាំគណៈប្រតិភូ រួមមានលោកសាកលវិទ្យាធិការរង និងតំណាងយុវជន ស.ស.យ.ក. អញ្ជើញចូលរួមក្នុងពិធី «សំណេះសំណាល និងថ្លែងអំណរគុណអ្នកសង្កេតការណ៍ស្ម័គ្រចិត្ត» ដែលបានចូលរួមក្នុងដំណើរការប្រឡងប្រជែងជ្រើសរើសមន្ត្រីរាជការ ដើម្បីបម្រើការងារតាមក្រសួង ស្ថាប័ន។ ពិធីនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ **ឯកឧត្តម ហ៊ុន ម៉ានី** ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង។ គោលបំណងនៃពិធីនេះ គឺដើម្បីថ្លែងអំណរគុណ និងកោតសរសើរចំពោះអ្នកសង្កេតការណ៍ស្ម័គ្រចិត្តទាំងអស់ ដែលបានលះបង់កម្លាំងកាយចិត្ត ចូលរួមយ៉ាងសកម្មក្នុងដំណើរការប្រឡងប្រជែងជ្រើសរើសមន្ត្រីរាជការ ប្រកបដោយតម្លាភាព សុចរិតភាព និងភាពត្រឹមត្រូវ ស្របតាមគោលនយោបាយកំណែទម្រង់រដ្ឋបាលសាធារណៈរបស់រាជរដ្ឋាភិបាល។ នៅក្នុងឱកាសនោះ ក៏មានការអញ្ជើញចូលរួមពីថ្នាក់ដឹកនាំក្រសួងមុខងារសាធារណៈ តំណាងក្រសួង-ស្ថាប័នពាក់ព័ន្ធ តំណាងអង្គភាពប្រឆាំងអំពើពុករលួយ តំណាងគ្រឹះស្ថានសិក្សាសាធារណៈ ព្រមទាំងអ្នកសង្កេតការណ៍សាធារណជន និងសមាជិក ស.ស.យ.ក. ជាច្រើនរូប តាមរយៈការចូលរួមផ្ទាល់ និងប្រព័ន្ធអនឡាញ។ #RUPP #UYFC បណ្ដាញសង្គមផ្លូវការរបស់​ ស.ស.យ.ក.​ RUPP 🌐 | [Facebook Page ](https://www.facebook.com/) 🌐 | [Telegram Channel](https://t.me/ruppUyfcNews) 🌐 | [Telegram Chat](https://t.me/+O5KA97Sk8KU3Y2Zl) 🌐 | [Tiktok](https://www.tiktok.com/@youthofrupp1?_r=1&_t=ZS-95kbcJy1X53)