柬埔寨邮电部启动公务员数字化普查 提升行政管理效率

**ឯកឧត្តម ជា វ៉ាន់ដេត៖ រាល់ទិន្នន័យទាំងអស់ គឺជាទ្រព្យសម្បត្តិមាស ដែលយកមកប្រើប្រាស់សម្រាប់ធ្វើការវិភាគ និងធ្វើផែនការ** ក្រោយពីបានចូលរួមធ្វើជំរឿនមន្ត្រីជាក់ស្តែងនៅទីស្តីការក្រសួងប្រៃសណីយ៍និងទូរគមនាគមន៍ រួចរាល់ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានមានប្រសាសន៍ថា "អត្ថប្រយោជន៍ដែលបានមកពី ការធ្វើជំរឿនមន្ត្រីជាក់ស្តែងនាពេលនេះ រួមមាន៖ (១)ធ្វើឱ្យមានប្រសិទ្ធភាពក្នុងកិច្ចការរដ្ឋបាលសាធារណៈ និង (២)ធ្វើយ៉ាងណា ដើម្បីឱ្យអង្គភាពរដ្ឋនីមួយៗ ក៏ដូចជាប្រទេសកម្ពុជាទាំងមូល មានទិន្ន័យរបស់មន្ត្រីរាជការ មានចំនួនមន្ត្រីរាជការដែលមានជំនាញទៅតាមអង្គភាពនីមួយៗ នៅតាមក្រសួង ស្ថាប័នរដ្ឋនីមួយៗ។ នៅពេលដែលយើងមានទិន្នន័យនេះ យើងនឹងរៀបចំផែនការបានដោយស្រួល ព្រោះបច្ចុប្បន្ននេះជាសម័យបច្ចេកវិទ្យា។ ដូច្នេះ រាល់ទិន្នន័យទាំងអស់ គឺជាទ្រព្យសម្បត្តិមាស ដែលយកមកប្រើប្រាស់ សម្រាប់ធ្វើការវិភាគ និងធ្វើផែនការនានា។" ឯកឧត្តមរដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអំពាវនាវដល់គ្រប់ក្រសួង ស្ថាប័នទាំងអស់ ក៏ដូចជាមន្ត្រីរាជការ ចូលរួមគាំទ្រក្នុងការធ្វើទំនើបកម្មរដ្ឋបាលសាធារណៈ។ ការធ្វើទំនើបកម្មរដ្ឋបាលសាធារណៈនេះ យើងនឹងមានលទ្ធភាពក្នុងការផ្តល់សេវាជូនដល់ប្រជាពលរដ្ឋបានល្អប្រសើរ ស្របតាមចក្ខុវិស័យរបស់រាជរដ្ឋាភិបាល ក្រោមការដឹកនាំរបស់សម្តេចមហាបវរធិបតី ហ៊ុ​ន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ———————— បទសម្ភាសឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ ជាមួយអ្នកសារព័ត៌មាន អំពីការចូលរួមក្នុងដំណើរការ នៃការចុះធ្វើជំរឿនមន្ត្រីជាក់ស្តែងនៅតាមអង្គភាពចំណុះក្រសួងប្រៃសណីយ៍និងទូរគមនាគមន៍ នាថ្ងៃទី១៥ ខែឧសភា ឆ្នាំ២០២៦ នៅទីស្តីការក្រសួងប្រៃសណីយ៍និងទូរគមនាគមន៍។