妇女事务部完成公务员普查 400名官员完成生物信息采集

[ក្រសួងកិច្ចការនារី ជាក្រសួងទី៤ ដែលបានបញ្ចប់ការធ្វើជំរឿនមន្ត្រីជាក់ស្តែងតាមការគ្រោងទុក](https://www.facebook.com/share/p/18HXDKKXtX/?mibextid=wwXIfr) យុទ្ធនាការចុះធ្វើជំរឿនមន្ត្រីរាជការជាក់ស្តែងនៅតាមបណ្តាក្រសួង-ស្ថាប័ន ទទួលបានលទ្ធផលផ្លែផ្កាជាបន្តបន្ទាប់ ដោយថ្មីៗនេះ ក្រសួងកិច្ចការនារី បានក្លាយជាក្រសួងទី៤ ដែលបានបញ្ចប់ការងារនេះដោយជោគជ័យ និងលឿនជាងការគ្រោងទុក។ យោងតាមផែនការគ្រោងទុក គណៈកម្មការធ្វើបច្ចុប្បន្នភាព និងជំរឿនមន្ត្រីជាក់ស្តែង បានគ្រោងចំណាយពេលចំនួន ២ថ្ងៃ គឺចាប់ពីថ្ងៃទី៦ ដល់ទី៧ ខែឧសភា ឆ្នាំ២០២៦ ដើម្បីចុះពិនិត្យផ្ទៀងផ្ទាត់រចនាសម្ព័ន្ធ និងវត្តមានមន្ត្រីនៅទីស្តីការក្រសួងកិច្ចការនារី។ ប៉ុន្តែដោយមានកិច្ចសហការល្អ និងការរៀបចំបានយ៉ាងរលូន ដំណើរការចុះជំរឿននេះត្រូវបានបញ្ចប់ជាស្ថាពរត្រឹមតែរយៈពេល ១ថ្ងៃប៉ុណ្ណោះ ពោលគឺនៅថ្ងៃទី៦ ខែឧសភា ឆ្នាំ២០២៦ តែម្តង។ ក្នុងសកម្មភាពនៃការចុះជំរឿនជាក់ស្តែងនេះ គណៈកម្មការបានធ្វើការពិនិត្យ និងផ្ទៀងផ្ទាត់យ៉ាងយកចិត្តទុកដាក់លើ រចនាសម្ព័ន្ធអង្គភាពជាក់ស្តែង និងវត្តមានមន្ត្រី រួមជាមួយការធ្វើជីវមាត្រមន្ត្រីដូចជាការថតរូប និងផ្តិតស្នាមខ្ចៅដៃជាដើម។ ប្រតិបត្តិការនេះ ទទួលបានការចូលរួមយ៉ាងសកម្មពីសំណាក់ថ្នាក់ដឹកនាំ និងមន្ត្រីគ្រប់ជាន់ថ្នាក់របស់ក្រសួងកិច្ចការនារី សរុបប្រមាណ ៤០០នាក់ ដែលបានបង្ហាញមុខនៅតាមអង្គភាពចំណុះរៀងៗខ្លួន។