劳工部精简内部机构 落实强基减冗提升行政效率

ក្រសួងមុខងារសាធារណៈសម្របសម្រួលក្រសួងការងារ** **កែសម្រួលរចនាសម្ព័ន្ធស្ថាប័ន** **ដើម្បីបង្កើនប្រសិទ្ធភាពការងារ នារសៀលថ្ងៃទី១៩ ខែសីហា ឆ្នាំ២០២៦ ថ្នាក់ដឹកនាំក្រសួងមុខងារសាធារណៈ ក្រសួងការងារ និងបណ្តុះបណ្តាលវិជ្ជាជីវៈ ព្រមទាំងតំណាងក្រសួងសេដ្ឋកិច្ច និងហិរញ្ញវត្ថុ បានបើកកិច្ចប្រជុំពិនិត្យសេចក្តីព្រាងប្រកាសស្តីពីការរៀបចំរចនាសម្ព័ន្ធនៃការិយាល័យចំណុះរបស់ក្រសួងការងារនិងបណ្តុះបណ្តាលវិជ្ជាជីវៈ។ កិច្ចប្រជុំដែលដឹកនាំដោយ លោកជំទាវ ឈី វិជ្ជរ៉ា និងឯកឧត្តម ហួត ស៊ីនាដ នេះ ធ្វើឡើងស្របតាមវិធានការគន្លឹះទី២ របស់រាជរដ្ឋាភិបាលអាណត្តិទី៧ ក្នុងការកែទម្រង់រដ្ឋបាលសាធារណៈ ដោយផ្តោតលើអភិក្រមរបស់សម្តេចធិបតី «ពង្រឹងជាជាងពង្រីក» និង «រៀបចំផ្ទះឱ្យរៀបរយ»។ ជាលទ្ធផលក្រោយការវិភាគមុខងារ ក្រសួងការងារបានសម្រេចកាត់បន្ថយអង្គភាពចំណុះមួយចំនួន ដោយមិនមានការពង្រីកបន្ថែមនោះទេ ដើម្បីលុបបំបាត់ការជាន់មុខងារ ធានាភាពស្ដួចស្ដើងនៃរដ្ឋបាលសាធារណៈ និងលើកកម្ពស់ប្រសិទ្ធភាពការងារ ស្របតាមប្រព័ន្ធជវភាពតួអង្គតែមួយ។