班迭棉吉省破获边境走私冷冻肉 涉及猪肉及内脏

សាច់បង្កករបស់ថៃ​ នៅតែមានឈ្មួញលួចនាំចូលតាមព្រំដែនគោក​ ហេីយយកមកចែកចាយនៅក្នុងស្រុក។ ជាក់ស្តែងនៅរសៀលថ្ងៃទី៧​ ខែកញ្ញា​ ឆ្នាំ២០២៦នេះ​ កម្លាំងទាហាននៅឈរជេីងនៅតាមព្រំដែន​ បានបង្ក្រាបការលួចនាំចូលសាច់បង្កកមួយចំនួនធំ​ ស្ថិតនៅខាងជេីងតំបន់បឹងត្រកួន​ ក្នុងភូមិសាស្រ្តឃុំគោករមៀត​ ស្រុកថ្មពួក​ ខេត្តបន្ទាយមានជ័យ។ តាមសេចក្តីរាយការណ៍ពីព្រំដែន​ បានបញ្ជាក់ថា​ សាច់បង្កកទាំងនេះ​ រួមមាន៖​ ជ្រូកកណ្តុរ ៣៣ការ៉ុង (ស្មើនឹង១៩៨ក្បាល), ប្រហិត ១៩ការ៉ុង (ស្មើនឹង១៥២កញ្ចប់), គ្រឿងក្នុងជ្រូក៤ការ៉ុង (ស្មើនឹង១៦កញ្ចប់) និង កោះមាន់១កេស (ស្មើនឹង៦កញ្ចប់)។ សម្រាប់ក្រុមឈ្មួញដែលនៅតែស្រេចឃ្លានសាច់បង្កករបស់ថៃ​ បានរត់គេចខ្លួនអស់។ ខ្ញុំទទូចឲ្យសមត្ថកិច្ចពាក់ព័ន្ធរួមគ្នាទប់ស្កាត់​ និងបង្ក្រាបការលួចនាំចូលសាច់បង្កកឲ្យខ្លាំងក្លា​ បូករួមជាមួយកន្លែងស្តុកនៅក្នុងស្រុក​ ជាពិសេសនៅភ្នំពេញ​ ដែលក្រុមឈ្មួញលួចដឹកជញ្ជូនពីព្រំដែន។ ប៉ុន្មានថ្ងៃមុន​ ខ្ញុំបានទទួលព័ត៌មានថាមានសកម្មភាពចែកចាយប្រហិតនៅតាមផ្សារមួយចំនួននៅភ្នំពេញ​ ដែលអាជ្ញាធរ​ និងមន្រ្តីពាក់ព័ន្ធសូមចូលរួមទប់ស្កាត់ឲ្យមានប្រសិទ្ធភាព។