柬埔寨司法部推进引渡法草案 强化国际司法合作

ឯកឧត្តមបណ្ឌិត ជិន ម៉ាលីន រដ្ឋលេខាធិការ ប្រចាំការ នៃក្រសួងយុត្តិធម៌ បានអញ្ជើញដឹកនាំកិច្ចប្រជុំពិភាក្សាការងារស្តីពីកិច្ចសហប្រតិបត្តិការផ្នែកច្បាប់និងយុត្តិធម៌ =================== នៅព្រឹកថ្ងៃអង្គារ ១១កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២២ ខែកញ្ញា ឆ្នាំ២០២៦ នៅទីស្តីការក្រសួងយុត្តិធម៌ ឯកឧត្តមបណ្ឌិត ជិន ម៉ាលីន រដ្ឋលេខាធិការ ប្រចាំការ នៃក្រសួងយុត្តិធម៌ បានដឹកនាំកិច្ចប្រជុំពិភាក្សាការងារស្តីពីការរៀបចំសេចក្តីព្រាងអនុក្រឹត្យពាក់ព័ន្ធនឹងការធ្វើបត្យាប័ន និង សេចក្តីព្រាងបែបបទអនុវត្តពាក់ព័ន្ធការធ្វើបត្យាប័ន។ កិច្ចប្រជុំនេះមានគោលបំណងពិនិត្យ និងពិភាក្សាលើនីតិវិធី បែបបទ និងលក្ខខណ្ឌគតិយុត្តនៃការប្រគល់ខ្លួនបណ្តោះអាសន្ននូវបុគ្គលដែលកំពុងជាប់ឃុំ ឬអនុវត្តទោសនៅកម្ពុជា ទៅឱ្យអាជ្ញាធរនៃរដ្ឋស្នើសុំ ដើម្បីដំណើរការនីតិវិធីជំនុំជម្រះ ឬអនុវត្តទោស ព្រមទាំងកំណត់អំពីថិរវេលា និងការបញ្ជូនបុគ្គលពាក់ព័ន្ធត្រឡប់មកកម្ពុជាវិញឱ្យស្របតាមក្របខ័ណ្ឌច្បាប់ជាតិ និងអន្តរជាតិ សំដៅពង្រឹងកិច្ចសហប្រតិបត្តិការអន្តរជាតិលើវិស័យយុត្តិធម៌ និងការលើកកម្ពស់នីតិរដ្ឋ។