暹粒青年作家俱乐部举办观察技能培训 提升写作思维

ជំនាញអង្កេត នឹងជួយឱ្យយុវជន បង្កើតគំនិតល្អៗនៅក្នុងសំណេរ សៀមរាប៖ យុវជន ហាក់មើលរំលង និងមិនសូវចាប់អារម្មណ៍លើចំណុចតូចៗនៅក្នុងសង្គម ។ នោះក៏ព្រោះតែពួកគេខ្វះជំនាញអង្កេត។ ដើម្បីពង្រឹងសមត្ថភាពគំនិតរបស់យុវជន ក្លិបអ្នកនិពន្ធវ័យក្មេង បានលើកយកជំនាញអង្កេត ចែករំលែកដល់សិក្ខាកាមជិត២០នាក់ នៅថ្ងៃទី៥ កញ្ញា ២០២៦ ។ វគ្គបណ្ដុះបណ្ដាលនេះ រៀបចំឡើងនៅសណ្ឋាគារម៉េម័រ នៅលើកំណាត់ផ្លូវជាតិលេខ៦ នាក្រុងសៀមរាប។ ជំនាញអង្កេត គឺជាផ្នែកសំខាន់មួយនៃការបង្កើតគំនិតអត្ថបទ។ នេះជាការលើកឡើងរបស់លោក គី សុខលីម ដែលមានបទពិសោធន៍ជាង៣០ឆ្នាំ នៅក្នុងជំនាញសរសេរ។ បើតាមលោកគ្រូឧទ្ទេសនាមរូបនេះ ជំនាញអង្កេត នឹងធ្វើឱ្យយុវជនចេះប្រើក្រសែភ្នែកសង្កេត និងតាមដានយ៉ាងយកចិត្តទុកដាក់លើបញ្ហា និងរឿងរ៉ាវផ្សេងៗ រាប់ចាប់ពីចំណុចតូចៗឡើងទៅ។ អ្នកជំនាញសរសេររូបនេះ បានសង្កត់បន្ថែមថា នៅពេលយុវជនចេះសង្កេតហើយ វានឹងបង្កើតឱ្យមានចម្ងល់ច្រើននៅក្នុងខួរក្បាល នឹងអារម្មណ៍របស់ពួកគេ ហើយឈានទៅស្វែងរកចម្លើយ ទើបអាចបង្កើតជាគំនិត និងផលិតបានសំណេរល្អៗ។ «ដូច្នេះ ត្រូវសង្កេតឱ្យបានច្រើនទើបមានគំនិតល្អៗ»។ នេះបើតាមលោក សុខលីម។