阿姆里特小额信贷奖励高考A等生$1000奖学金

អម្រឹត នឹងផ្តល់ប្រាក់រង្វាន់១០០០ដុល្លារ ដល់កូនអតិថិជនប្រឡងបាក់ឌុបជាប់និទ្ទេស A ភ្នំពេញ៖ គ្រឹះស្ថានមីក្រូហិរញ្ញវត្ថុ អម្រឹត នឹងបន្តផ្តល់ប្រាក់រង្វាន់ចំនួន ១០០០ដុល្លារ ដល់កូនអតិថនរបស់ខ្លួនដែលប្រឡងសញ្ញាបត្រមធ្យមសិក្សាទុតិយភូមិ ( បាក់ឌុប ) ជាប់និទ្ទេស A ខណៈលទ្ធផលប្រឡងត្រូវប្រកាសនៅថ្ងៃទី២ ខែកញ្ញា។ ប្រាក់រង្វាន់ដែល អម្រឹត ផ្តល់ជូននេះ គឺសម្រាប់តែអតិថិជនប្រើប្រាស់ គណនីក្មេងឆ្លាត ប៉ុណ្ណោះ។ គណនីក្មេងឆ្លាតជាការសន្សំដែលមានការការពារសម្រាប់ឪពុកម្តាយតាមរយៈការផ្តល់ជូនកញ្ចប់ធានារ៉ាប់រងអាយុជីវិតឥតគិតថ្លៃ រហូតដល់ ៤០០០ ដុល្លារ ក្នុងអំឡុងពេលសន្សំប្រាក់។ លោកតាន់យូហៃនាយកអង្គភាពផ្នែកលក់នៃគ្រឹះស្ថាន អម្រឹត បានបញ្ជាក់ថា ៖ «ការសន្សំប្រាក់ជាមួយគណនីក្មេងឆ្លាត ក្រៅតែពីទទួលបានការប្រាក់ខ្ពស់ជាងការសន្សំជាមួយគណនីធម្មតាហើយនោះ គឺថែមទាំងទទួលបានការលើកទឹកចិត្ត តាមរយៈការផ្តល់ប្រាក់រង្វាន់ចំនួន ១ ០០០ ដុល្លារ ដល់កូនប្រុស ស្រី នៅពេលបញ្ចប់ការសិក្សាថ្នាក់វិទ្យាល័យទទួលបាននិទ្ទេស A ទៀតផង។»។