柬埔寨政府推行行政改革 严打非正式支出优化营商环境

ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងជាអនុប្រធានទី៣ ក្រុមប្រឹក្សាអភិវឌ្ឍន៍កម្ពុជា (CDC) បានថ្លែងថា រាជរដ្ឋាភិបាលកម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កំពុងដាក់ចេញវិធានការថ្មីបន្ថែមទៀត ដើម្បីកាត់បន្ថយការចំណាយក្រៅផ្លូវការ និងអំពើពុករលួយនៅតាមក្រសួង-ស្ថាប័ននានា សំដៅលើកកម្ពស់បរិយាកាសវិនិយោគ និងជំរុញការរីកចម្រើនរបស់វិស័យឯកជន។ ការលើកឡើងនេះ ធ្វើឡើងនាល្ងាចថ្ងៃទី០៧ ខែឧសភា ឆ្នាំ២០២៦ ក្នុងពិធីបិទវេទិកាវិនិយោគកម្ពុជាឆ្នាំ២០២៦ ក្រោមមូលបទ «ការពង្រឹងភាពធន់តាមរយៈការថែទាំវិនិយោគប្រកបដោយភាពបុរេសកម្ម និងភាពជាដៃគូយុទ្ធសាស្ត្រ»។ ឯកឧត្តមរដ្ឋមន្ត្រី កែវ រតនៈ បានបញ្ជាក់ថា រាជរដ្ឋាភិបាលកំពុងខិតខំធ្វើកំណែទម្រង់ប្រព័ន្ធការិយាធិបតេយ្យនៅតាមក្រសួង-ស្ថាប័ន ដើម្បីកាត់បន្ថយនីតិវិធីស្មុគស្មាញ និងទប់ស្កាត់ការចំណាយក្រៅផ្លូវការ ដែលជាបញ្ហាប្រឈមដ៏សំខាន់មួយសម្រាប់វិស័យឯកជន៕