柬埔寨司法大臣会见IMF代表团 商讨反洗钱评估

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានគណៈកម្មាធិការសម្របសម្រួលថ្នាក់ជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ បានអនុញ្ញាតឱ្យលោក Kenichiro Kashiwase ប្រធានក្រុមបេសកកម្មនៃមូលនិធិរូបិយវត្ថុអន្តរជាតិ (IMF) ប្រចាំកម្ពុជា ចូលជួបពិភាក្សាការងារ និងធ្វើការណែនាំលោក Julio Bacio Terracino ទីប្រឹក្សាតំបន់របស់ IMF ទទួលបន្ទុកការប្រឆាំងការសម្អាតប្រាក់ និងការប្រឆាំងហិរញ្ញប្បទានភេរវកម្មសម្រាប់តំបន់អាស៊ី និងប៉ាស៊ីហ្វិក ===================== ទីស្តីការក្រសួងយុត្តិធម៌៖ នារសៀលថ្ងៃអង្គារ ១រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែតុលា ឆ្នាំ២០២៦ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានគណៈកម្មាធិការសម្របសម្រួលថ្នាក់ជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យ បានអនុញ្ញាតឱ្យលោក Kenichiro Kashiwase ប្រធានក្រុមបេសកកម្មនៃមូលនិធិរូបិយវត្ថុអន្តរជាតិ (IMF) ប្រចាំកម្ពុជា ចូលជួបពិភាក្សាការងារ និងធ្វើការណែនាំលោក Julio Bacio Terracino ទីប្រឹក្សាតំបន់របស់ IMF ទទួលបន្ទុកការប្រឆាំងការសម្អាតប្រាក់ និងការប្រឆាំងហិរញ្ញប្បទានភេរវកម្មសម្រាប់តំបន់អាស៊ី និងប៉ាស៊ីហ្វិក។ នៅក្នុងជំនួបនេះ, ឯកឧត្តមឧបនាយករដ្ឋមន្ត្រី លោក Kenichiro Kashiwase និងលោក Julio Bacio Terracino បានពិភាក្សាគ្នាអំពីបញ្ហាឧក្រិដ្ឋកម្មឆបោកតាមប្រព័ន្ធបច្ចេកវិទ្យានៅកម្ពុជា (Online Scam), កិច្ចការងារប្រយុទ្ធប្រឆាំងឧក្រិដ្ឋកម្មឆ្លងដែននេះ និងកិច្ចការងារប្រឆាំងការសម្អាតប្រាក់ដែលកើតចេញពីឧក្រិដ្ឋកម្មឆបោកតាមប្រព័ន្ធបច្ចេកវិទ្យា។ ឯកឧត្តមឧបនាយករដ្ឋមន្ត្រីបានគូសរំលេចអំពីស្ថានភាពនៃឧក្រិដ្ឋកម្មឆបោកតាមប្រព័ន្ធបច្ចេកវិទ្យានៅកម្ពុជា (Online Scam) កិច្ចខិតខំប្រឹងប្រែង និងការប្តេជ្ញាចិត្តខ្ពស់របស់រាជរដ្ឋាភិបាល ព្រមទាំងសមិទ្ធផលដែលកម្ពុជាសម្រេចបានក្នុងការអនុវត្តយុទ្ធនាការបោសសម្អាតឧក្រិដ្ឋកម្មឆបោកតាមប្រព័ន្ធបច្ចេកវិទ្យា។ ឯកឧត្តមឧបនាយករដ្ឋមន្ត្រី បានបញ្ជាក់ជូនផងដែរថា ឧក្រិដ្ឋកម្មឆបោកតាមប្រព័ន្ធបច្ចេកវិទ្យាពុំមែនមានតែនៅកម្ពុជាមួយនោះ ប៉ុន្តែ ក៏មាននៅក្នុងបណ្តាប្រទេសនានានៅក្នុងតំបន់ និងសកលលោកផងដែរ ហើយកម្ពុជាក៏ជាប្រទេសរងគ្រោះដោយសារឧក្រិដ្ឋកម្មនេះ។ ឧក្រិដ្ឋកម្មនេះក៏បានបំផ្លាញនូវមុខមាត់, និងកេរ្តិ៍ឈ្មោះរបស់កម្ពុជា។ ឧក្រិដ្ឋជនបានប្រើប្រាស់កម្ពុជាជាទីកន្លែងដើម្បីធ្វើការឆបោកទាំងប្រជាជនកម្ពុជា និងប្រជាជននៅតាមបណ្តាប្រទេសផ្សេងៗ។ ទន្ទឹមនេះ, ផលនៃបទល្មើសដែលឧក្រិដ្ឋជនទទួលបានពីការឆបោកតាមប្រព័ន្ធបច្ចេកវិទ្យា ត្រូវបំប្លែងជាទម្រង់ទ្រព្យសកម្មនិម្មិត (គ្រីបតូ) ហើយភាគច្រើនលើលលប់នៃទ្រព្យនេះត្រូវបានផ្ទេរចេញពីកម្ពុជាទៅកាន់បណ្តាប្រទេសនានា។ ដូច្នេះ ការប្រយុទ្ធប្រឆាំងឧក្រិដ្ឋកម្មឆបោកតាមប្រព័ន្ធបច្ចេកវិទ្យានេះ ទាមទារឱ្យមានកិច្ចសហប្រតិបត្តិការរួមពីគ្រប់បណ្តាប្រទេស និងតួអង្គដែលមានការពាក់ព័ន្ធទាំងអស់ ។ កម្ពុជាបានត្រៀមខ្លួនរួចជាស្រេចក្នុងការបន្តផ្តល់កិច្ចសហការជាមួយតួអង្គពាក់ព័ន្ធទាំងអស់។ ឆ្លៀតក្នុងឱកាសនៃជំនួបនេះ ឯកឧត្តមឧបនាយករដ្ឋមន្ត្រី បានសម្តែងការថ្លែងអំណរគុណជូនចំពោះ IMF ដែលបានផ្តល់កិច្ចគាំទ្រដល់កម្ពុជាក្នុងការរៀបចំយុទ្ធសាស្ត្រជាតិស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្មសម្រាប់ឆ្នាំ២០១៩-២០២៣ កន្លងទៅ និងការរៀបចំច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម។ ឯកឧត្តមឧបនាយករដ្ឋមន្ត្រី បានគូសបញ្ជាក់ថា កម្ពុជាបានបញ្ចប់ការរៀបចំរបាយការណ៍ស្តីពីការវាយតម្លៃហានិភ័យថ្នាក់ជាតិស្តីពីការសម្អាតប្រាក់ និងហិរញ្ញប្បទានភេរវកម្ម លើកទី២ (NRA II) ដែលរបាយការណ៍នេះនឹងត្រូវបច្ចុប្បន្នភាពដោយបញ្ចូលនូវការវាយតម្លៃអំពីហានិភ័យពាក់ព័ន្ធនឹងឧក្រិដ្ឋកម្មឆបោកតាមប្រព័ន្ធបច្ចេកវិទ្យា ដើម្បីឱ្យរបាយការណ៍វាយតម្លៃហានិភ័យនេះឆ្លុះបញ្ចាំងអំពីស្ថានភាពជាក់ស្តែងរបស់កម្ពុជា។ ឯកឧត្តមឧបនាយករដ្ឋមន្ត្រី ក៏បានបញ្ជាក់ជូនអំពីវឌ្ឍនភាពនៃការរៀបចំយុទ្ធសាស្ត្រជាតិស្តីពីការប្រឆាំងការសម្អាតប្រាក់ ហិរញ្ញប្បទានភេរវកម្ម និងហិរញ្ញប្បទានដល់ការរីកសាយភាយអាវុធមហាប្រល័យរបស់កម្ពុជាផងដែរ។ ឯកឧត្តមឧបនាយករដ្ឋមន្ត្រីបានស្នើឱ្យ IMF បន្តជួយកម្ពុជាលើកិច្ចការងារបណ្តុះបណ្តាលពង្រឹងសមត្ថភាពមន្ត្រីអនុវត្តច្បាប់ ជាពិសេសលើការ ……… សម្រាប់ខ្លឹមសារលម្អិត សូមចុចលីងខាងក្រោម https://m.facebook.com/story.php?story_fbid=pfbid038CVidXk2hEMhhEwiuCRoPRWGK4psFFmZbgFLFzmhEWks21comXnrQh9u7eg3Qdgel&id=100064354554933