ICCOS会议强调私营部门协作 严控数字基础设施

៣. **ការទប់ស្កាត់ និងការស៊ើបអង្កេត៖** ត្រូវពង្រឹងការចែករំលែកព័ត៌មានឱ្យទាន់ពេលវេលា ការស៊ើបអង្កេតហិរញ្ញវត្ថុ ការបង្កក ឬរឹបអូសទ្រព្យសម្បត្តិដែលបានមកពីបទល្មើស និងការស៊ើបអង្កេតរួមគ្នា ដើម្បីកម្ទេចមេខ្លោង និងបណ្តាញឧក្រិដ្ឋជន។   ៤. **កិច្ចសហការជាមួយវិស័យឯកជន និងដៃគូពាក់ព័ន្ធ៖** ត្រូវពង្រឹងកិច្ចសហប្រតិបត្តិការឱ្យកាន់តែជិតស្និទ្ធជាមួយស្ថាប័នធនាគារ ក្រុមហ៊ុនទូរគមនាគមន៍ បណ្តាញសង្គម និងក្រុមហ៊ុនបច្ចេកវិទ្យា ដើម្បីកាត់ផ្តាច់ហេដ្ឋារចនាសម្ព័ន្ធឌីជីថល និងលំហូរហិរញ្ញវត្ថុដែលឧក្រិដ្ឋជនប្រើប្រាស់។   ៥. **ការការពារជនរងគ្រោះជាអាទិភាព៖** ការពារជនរងគ្រោះ ទាំងអ្នកដែលត្រូវគេបោកប្រាស់យកទ្រព្យសម្បត្តិ និងអ្នកដែលត្រូវគេជួញដូរ ឬបង្ខំឱ្យប្រព្រឹត្តបទល្មើស ដោយផ្អែកលើគោលការណ៍មិនដាក់ទោសទណ្ឌលើជនរងគ្រោះនៃអំពើជួញដូរមនុស្ស។   ៦. **ការពង្រឹងយន្តការអភិក្រមរួម៖** អាស៊ាន និងប្រទេសដៃគូ គាំទ្រវិធានការដែលមានការចូលរួមពីទាំងរដ្ឋាភិបាល សង្គម និងសហគមន៍អាស៊ានទាំងមូល ដើម្បីបង្កើតជាកំពែងការពារទប់ស្កាត់បណ្តាញឧក្រិដ្ឋកម្មឆ្លងដែន ព្រមទាំងបង្កើតបណ្តាញប្រយុទ្ធប្រឆាំងការឆបោកតាមអនឡាញ ដើម្បីសម្របសម្រួលការងារភ្លាមៗ។   សូមជម្រាបថា វេទិកាកម្រិតខ្ពស់នេះ គឺជារបៀបវារៈសំខាន់មួយបន្ទាប់ពីពិធីបើកសន្និសីទអន្តរជាតិ ស្តីពី ការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ដែលធ្វើឡើងនៅថ្ងៃទី២៣ និងថ្ងៃទី២៤ ខែកញ្ញា ឆ្នាំ២០២៦ នារាជធានីភ្នំពេញ ក្រោមប្រធានបទ «រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា»។ វាគ្មិនដែលបានចូលរួមក្នុងវេទិកានេះ គឺជាមន្ត្រីជាន់ខ្ពស់មកពីប្រទេសចំនួន១០ រួមមាន៖ ប្រទេសកម្ពុជា មីយ៉ាន់ម៉ា ឡាវ វៀតណាម ឥណ្ឌូនេស៊ី សិង្ហបុរី ទីម័រខាងកើត ហ្វីលីពិញ អង់គ្លេស និងអ៊ូហ្គង់ដា ព្រមទាំងអគ្គលេខាធិការអាស៊ាន សរុប ១១ រូប៕