柬埔寨新闻部慰问退休官员 发放生活物资及慰问金

លោកជំទាវ ទុយ សិរីរតនៈ ចុះសួរសុខទុក្ខនិវត្តជនដែលជាអតីតមន្ត្រីរាជការក្រសួងព័ត៌មាន (AKP) លោកជំទាវ ទុយ សិរីរតនៈ នេត្រ ភក្ត្រា តំណាងឯកឧត្តមរដ្ឋមន្ត្រីក្រសួងព័ត៌មាន និងអមដំណើរដោយលោកជំទាវ ទេស ផល្លីន អគ្គលេខាធិការ និងជាប្រធានលេខាធិការដ្ឋាននៃគណៈកម្មាធិការសមាគមអតីតយុទ្ធជន និងនិវត្តជនវិស័យព័ត៌មាន ព្រមទាំងលោកជំទាវ លោក លោកស្រី ជាសមាជិក សមាជិកានៃសមាគម នៅព្រឹកថ្ងៃទី២៣ ខែមិថុនា ឆ្នាំ២០២៦ នេះ បានចុះសួរសុខទុក្ខនិវត្តជនដែលជាអតីតមន្ត្រីរាជការក្រសួងព័ត៌មាន ចំនួនពីររូប រួមមាន៖ ១. លោក ធន់ សារឹម ជាអតីតមន្ត្រីរាជការបម្រើការងារនៅអគ្គលេខាធិការដ្ឋាន ២. លោកស្រី ហួត ផល្លីន ជាអតីតមន្ត្រីរាជការបម្រើការងារនៅអគ្គនាយកដ្ឋានទីភ្នាក់ងារសារព័ត៌មានកម្ពុជា (AKP)។ ក្នុងឱកាសនោះ និវត្តជនទាំងពីររូប ម្នាក់ៗទទួលបានអង្ករ ៣បេ មី ២កេស ត្រីខ ១កេសធំ ទឹកសុទ្ធ ២កេសធំ ទឹកត្រី ១យួរ ទឹកស៊ីអ៊ីវ ១យួរ និងថវិកាចំនួន ២០ ម៉ឺនរៀល ដើម្បីជាការចូលរួមលើកទឹកចិត្តពីថ្នាក់ដឹកនាំក្រសួងព័ត៌មាន ព្រមទាំងសមាគមអតីតយុទ្ធជន និងនិវត្តជនវិស័យព័ត៌មាន។ ការចុះសួរសុខទុក្ខនេះ បានស្ដែងឱ្យឃើញពីការយកចិត្តទុកដាក់ និងការដឹងគុណចំពោះអតីតមន្ត្រីរាជការ ដែលបានខិតខំបំពេញភារកិច្ចបម្រើជាតិ ក្នុងវិស័យព័ត៌មាននាពេលកន្លងមក៕ **——————** Connect with AKP: 🌐[Telegram ](https://t.me/TheAKP)🌐[Facebook ](https://www.facebook.com/akp.official/)🌐[Website ](http://akp.gov.kh/)👉[X](https://twitter.com/kampucheapresse) ([Twitte](https://twitter.com/kampucheapresse)[r](https://twitter.com/kampucheapresse)) 🌐[Instagram](https://www.instagram.com/akp_news/) 🌐[TikTok](https://www.tiktok.com/@agencekampucheapresse) 🌐[YouTube](https://www.youtube.com/@agencekampucheapresse/featured) #CambodiaWantsPeace #JusticeForCambodia