政府工作组探望实居省产妇并送上祝福

**💕កម្មវិធី ប៉ា ម៉ានី 💕** **ក្រោមពាក្យស្លោកចូលរួមសប្បាយរីករាយជាមួយក្រុមគ្រួសារ ❤️ប៉ា ម៉ានី ❤️ នៅថ្ងៃចន្ទ ទី២៨ ខែកញ្ញា ឆ្នាំ២០២៦ ក្រុមការងារសម្របសម្រួលការងារវិស័យសុខាភិបាល ខេត្តកំពង់ស្ពឺ របស់ ឯកឧត្តមឧបនាយករដ្ឋមន្ត្រី ហ៊ុន ម៉ានី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ដឹកនាំដោយ ឯកឧត្តម វង្ស ភក្តី តំណាង ឯកឧត្តមបណ្ឌិត ហេង សុខគង់ និងសហការី រួមជាមួយ ឯកឧត្តមសាស្ត្រាចារ្យ សុង អាន និងលោក យឿង ថុល ប្រធានមណ្ឌលសុខភាពកក់ព្រះខែ តំណាងលោកវេជ្ជបណ្ឌិត ហុក គ្រី ប្រធានមន្ទីរសុខាភិបាលខេត្តកំពង់ស្ពឺ បានចុះសួរសុខទុក្ខ លោកស្រី ឆុន ឡុងនិច ដែលទើបបានសម្រាលបុត្រនៅមន្ទីរពេទ្យកាល់ម៉ែត្រ។** **ក្នុងឱកាសនោះ ក្រុមការងារបានពាំនាំនូវបណ្តាំសួរសុខទុក្ខ និងការអបអរសាទរ ជូនលោកស្រី និងក្រុមគ្រួសារ ព្រមទាំងបាននាំយកកញ្ចប់ឃីតវត្ថុអនុស្សាវរីយ៍សម្រាប់ទារកដ៏ស្រស់ស្អាត ដែលជាអំណោយដ៏ថ្លៃថ្លារបស់ ឯកឧត្តមឧបនាយករដ្ឋមន្ត្រី ហ៊ុន ម៉ានី ជូនដល់បុត្ររបស់លោកស្រីផងដែរ។ ** **ជាមួយគ្នានេះ ក្រុមការងារសូមជូនពរលោកស្រី និងក្រុមគ្រួសារ ឱ្យមានសុខភាពល្អបរិបូរណ៍ សុភមង្គល និងសូមជូនពរបុត្រ ឱ្យចម្រើនវ័យប្រកបដោយសុខភាពល្អ មានប្រាជ្ញា សមត្ថភាព និងអនាគតដ៏ល្អប្រសើររុងរឿង។🙏❤️🙏**