皇家金边大学与教育部青年总局举行第50届东南亚与日本青年船项

កិច្ចពិភាក្សាស្តីពីកិច្ចសហប្រតិបត្តិការក្នុងកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៥០ ថ្ងៃចន្ទ ទី១៤ ខែកញ្ញា ឆ្នាំ២០២៦ — នៅសាកលវិទ្យាល័យភូមិន្ទភ្នំពេញ បានរៀបចំ កិច្ចពិភាក្សាស្តីពីកិច្ចសហប្រតិបត្តិការក្នុងកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៥០ ក្រោមអធិបតីភាព លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន ក្រសួងអប់រំ យុវជន និងកីឡា និង ឯកឧត្តមសាស្ត្រាចារ្យ ជេត ជាលី សាកលវិទ្យាធិការ នៃសាកលវិទ្យាល័យភូមិន្ទភ្នំពេញ។ កិច្ចពិភាក្សានេះរៀបចំឡើងក្នុងគោលបំណងពិភាក្សា និងពង្រឹងកិច្ចសហប្រតិបត្តិការរវាងអគ្គនាយកដ្ឋានយុវជន និងសាកលវិទ្យាល័យភូមិន្ទភ្នំពេញ ក្នុងការគាំទ្រ និងសម្របសម្រួលការរៀបចំ កម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៥០ ដែល ព្រះរាជាណាចក្រកម្ពុជា នឹងធ្វើជាម្ចាស់ផ្ទះ នាពេលខាងមុខ។ ក្នុងជំនួបនេះ ភាគីពាក់ព័ន្ធបានពិភាក្សាអំពីការចូលរួម និងការគាំទ្ររបស់សាកលវិទ្យាល័យភូមិន្ទភ្នំពេញ ក្នុងការរៀបចំកម្មវិធី ការសម្របសម្រួលធនធាន និងសកម្មភាពពាក់ព័ន្ធ ព្រមទាំងការចូលរួមរបស់យុវជន ដើម្បីធានាឱ្យកម្មវិធីដ៏មានសារៈសំខាន់មួយនេះប្រព្រឹត្តទៅដោយរលូន ប្រកបដោយប្រសិទ្ធភាព និងទទួលបានជោគជ័យ។ កម្មវិធីនាវាយុវជនអាស៊ីអាគ្នេយ៍ និងជប៉ុន (SSEAYP) ជាវេទិកាដ៏សំខាន់សម្រាប់ការផ្លាស់ប្តូរចំណេះដឹង បទពិសោធន៍ វប្បធម៌ និងការពង្រឹងចំណងមិត្តភាពរវាងយុវជននៃប្រទេសអាស៊ីអាគ្នេយ៍ និងជប៉ុន។ ការដែលកម្ពុជាទទួលធ្វើជាម្ចាស់ផ្ទះក្នុងឱកាសលើកទី៥០ នេះ គឺជាកិត្តិយស និងជាឱកាសដ៏មានសារៈសំខាន់សម្រាប់ការលើកកម្ពស់កិច្ចសហប្រតិបត្តិការយុវជនក្នុងតំបន់។ #RUPP #SSEAYP #YouthExchange #ASEANJapan #YouthDevelopment #Cambodia