贡布省政府将于6月1日下午2点在美食街广场举办“贡布水果与糕

[来源: 柬埔寨国家电视台] [分类提示: NEWS] 标题: ទុរេនកំពតជាង២តោននិងដាក់ឱ្យភ្ញៀវទេសចរភ្លក់ក្នុងព្រឹត្តិការណ៍ “មរតកផ្លែឈើ និងនំចំណីកំពត” នៅដើមខែមិថុនាខាងមុខ រដ្ឋបាលខេត្តកំពតបានត្រៀមទុរេនទុំប្រមាណជាង ២តោន ដើម្បីទទួលស្វាគមន៍ និងជូនភ្ញៀវទេសចរជាតិ-អន្តរជាតិ និងប្រជាពលរដ្ឋដែលចូលរួមក្នុងព្រឹត្តិការណ៍ “មរតកផ្លែឈើ និងនំចំណីកំពត” ក្រោមប្រធានបទ “រសជាតិទុរេនកំពត និងកិត្យានុភាពទេសចរណ៍រដូវកាលបៃតង” បានភ្លក់រសជាតិដើម ដែលព្រឹត្តិការណ៍នេះនឹងប្រព្រឹត្តទៅនៅថ្ងៃទី១ ខែមិថុនា ឆ្នាំ២០២៦ខាងមុខ ចាប់ពីម៉ោង ២រសៀលតទៅ នៅបរិវេណសួនច្បារទល់មុខផ្សារវិថីម្ហូបអាហារ ខេត្តកំពត។ លោក សយ ស៊ីណុល ប្រធានមន្ទីរទេសចរណ៍ខេត្តកំពតបានប្រាប់ឱ្យដឹងថា ការរៀបចំព្រឹត្តិការណ៍នេះ គឺទទួលបានការជំរុញលើកទឹកចិត្តពីក្រសួងទេសចរណ៍ ជាពិសេសក្រោមការយកចិត្តទុកដាក់ និងការចង្អុលបង្ហាញពីសំណាក់ ឯកឧត្តម ម៉ៅ ធនិន អភិបាលខេត្តកំពត ក្នុងគោលបំណងលើកកម្ពស់វិស័យទេសចរណ៍ កសិកម្ម និងផ្សព្វផ្សាយអត្តសញ្ញាណផលិតផលក្នុងស្រុករបស់ខេត្តកំពតឱ្យកាន់តែទូលំទូលាយ។ លោកបានបញ្ជាក់ថា ភ្ញៀវទេសចរ និងប្រជាពលរដ្ឋដែលចូលរួមក្នុងព្រឹត្តិការណ៍នេះ នឹងមានឱកាសភ្លក់រសជាតិទុរេនកំពតដ៏ល្បីល្បាញ ដែលរដ្ឋបាលខេត្តបានត្រៀមទុកចំនួនជាង ២តោន ព្រមទាំងអាចទស្សនា និងទិញផលិតផលកសិកម្ម ផ្លែឈើតាមរដូវ នំចំណីប្រពៃណី និងផលិតផលសហគមន៍ជាច្រើនប្រភេទ ដែលជាមរតកវប្បធម៌ និងសេដ្ឋកិច្ចរបស់ប្រជាពលរដ្ឋក្នុងខេត្ត។ លោកប្រធានមន្ទីរបានបន្តថា ព្រឹត្តិការណ៍នេះក៏ជាផ្នែកមួយនៃការជំរុញទេសចរណ៍រដូវកាលបៃតង ដែលក្រសួងទេសចរណ៍ និងរដ្ឋបាលខេត្តកំពុងផ្តោតសំខាន់ ដើម្បីទាក់ទាញភ្ញៀវទេសចរមកកម្សាន្តក្នុងអំឡុងរដូវវស្សា។ រដូវកាលនេះ ខេត្តកំពតមានសម្រស់ធម្មជាតិខៀវស្រងាត់ ខ្យល់អាកាសបរិសុទ្ធ ទេសភាពភ្នំ ទឹកជ្រោះ សមុទ្រ និងចម្ការផ្លែឈើកាន់តែស្រស់ស្អាត ដែលផ្តល់បទពិសោធន៍ថ្មីដល់ភ្ញៀវទេសចរ និងជួយជំរុ