公务部筹备东盟公务会议 暹粒将举办第23届系列峰会

ឯកឧត្តម អ៊ុយ ភារក្ស អនុរដ្ឋលេខាធិការក្រសួងមុខងារសាធារណៈ និងជាប្រធានអនុគណៈកម្មការរដ្ឋបាល​ សន្តិសុខ​ សណ្តាប់ធ្នាប់ និងសុខាភិបាល​ កាលព្រឹកថ្ងៃទី៩ ខែកក្កដា ឆ្នាំ២០២៦ បានដឹកនាំកិច្ចប្រជុំពិនិត្យតាមដានវឌ្ឍនភាពការងារ និងបែងចែកតួនាទី ភារកិច្ចរបស់ក្រុមការងារអនុគណៈកម្មការរដ្ឋបាលសន្តិសុខសណ្តាប់ធ្នាប់ និងសុខាភិបាល សម្រាប់ត្រៀមរៀបចំកិច្ចប្រជុំកិច្ចសហប្រតិបត្តិការ អាស៊ាន ស្តីពីកិច្ចការមុខងារសាធារណៈលើកទី២៣ កិច្ចប្រជុំសហប្រតិបត្តិការអាស៊ានបូកបី ស្តីពីកិច្ចការមុខងារសាធារណៈលើកទី៨ និងព្រឹត្តិការណ៍ពាក់ព័ន្ធ សម្រាប់ឆ្នាំ២០២៤-២០២៦ ដែលនឹងប្រព្រឹត្តទៅនៅ ខេត្តសៀមរាប នាពេលខាងមុខនេះ។ កិច្ចប្រជុំបានប្រព្រឹត្តទៅនៅសាលាភូមិន្ទរដ្ឋបាល ដោយមានការអញ្ចើញចូលរួមពីថ្នាក់ដឹកនាំ និងមន្ត្រីជំនាញក្រសួងមុខងារសាធារណៈ ដែលជាសមាជិក សមាជិកា នៃក្រុមការងារអនុគណៈកម្មការរដ្ឋបាលសន្តិសុខសណ្តាប់ធ្នាប់ និងសុខាភិបាលសរុប ១៣រូប៕