MV Hondius号游轮爆发Hantavirus病毒 3人死亡

ECDC ចាត់ទុកអ្នកដំណើរលើកប៉ាល់ MV Hondius ជាក្រុមហានិភ័យខ្ពស់ក្រោយផ្ទុះមេរោគ Hantavirus ទីភ្នាក់ងារសុខាភិបាលអឺរ៉ុប (ECDC) បានប្រកាសចាត់ទុកអ្នកដំណើរទាំងអស់នៅលើកប៉ាល់ទេសចរណ៍ MV Hondius ជាក្រុមមនុស្សដែលមានហានិភ័យខ្ពស់ ក្រោយរកឃើញការរីករាលដាលនៃមេរោគ Hantavirus ដែលបានសម្លាប់មនុស្ស ៣ នាក់ (ជនជាតិហូឡង់ និងអាល្លឺម៉ង់) និង ៥នាក់ទៀតកំពុងសម្រាកព្យាបាល។ អ្នកដំណើរដែលមិនទាន់ចេញរោគសញ្ញា នឹងត្រូវជម្លៀសតាមជើងហោះហើរពិសេសទៅកាន់ប្រទេសកំណើតរៀងៗខ្លួន ដើម្បីធ្វើចត្តាឡីស័ក។ កប៉ាល់នេះគ្រោងនឹងចូលសំចតនៅកោះ Tenerife ប្រទេសអេស្ប៉ាញ នៅថ្ងៃអាទិត្យ ទី១០ ខែឧសភា ឆ្នាំ២០២៦ នេះ។ ទាក់ទិននឹងបញ្ហានេះ អង្គការសុខភាពពិភពលោក (WHO) បញ្ជាក់ថា មេរោគនេះចម្លងចេញពីសត្វកណ្ដុរ ហើយការចម្លងពីមនុស្សទៅមនុស្សជាករណីកម្របំផុត។ ទោះបីជាហានិភ័យនៃការរីករាលដាលជាសកលនៅមានកម្រិតទាប ប៉ុន្តែអាជ្ញាធរសុខាភិបាលនៅតែបន្តដាស់តឿនឱ្យសាធារណជនបង្កើនការប្រុងប្រយ័ត្នតាមរយៈការរក្សាអនាម័យ និងលាងដៃឱ្យបានញឹកញាប់៕ ប្រភព ៖ Reuters