洪玛尼为硬地滚球奖牌得主颁奖 国家体育节残运会同期举行

ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាអនុប្រធានគណៈកម្មាធិការជាតិប៉ារ៉ាឡាំពិកកម្ពុជាបានអញ្ជើញចូលរួមក្នុង ពិធីអបអរសាទរព្រឹត្តិការណ៍កីឡាជាតិលើកទី៥ និងកីឡាជាតិជនពិការលើកទី៣ និងបំពាក់មេដាយដល់ជ័យលាភីកីឡាប៉ារ៉ាឡាំពិក ប្រភេទកីឡាបូស្យា នៅមជ្ឈមណ្ឌលជាតិនៃជនពិការតេជោសែន នារសៀលថ្ងៃទី១១ ខែវិច្ឆិកា ២០២៦។ ម្ចាស់មេដាយទាំង៣ប្រភេទលើវិញ្ញាសា ឯកត្តជនបុរស រួមមាន៖ ១៖ មេដាយមាស​ កីឡាករ​ វណ្ណា​ ណាក់ មកពីខេត្ត​ត្បូងឃ្មុំ ​២៖ មេដាយប្រាក់ កីឡាករ​ ព្រិល​ វាស្នា​ មកពិខេត្តកណ្តាល ៣៖ មេដាយសំរឹទ្ធិ កីឡាករ សួន​ សុខជី មកពីខេត្តកំពង់ឆ្នាំង ព្រមទាំងម្ចាស់មេដាយ​ទាំង៣ប្រភេទលើវិញ្ញាសា ឯកត្តជននារី៖ ១៖ មេដាយមាស កីឡាការិនី សន សាស មកពីខេត្តតាកែវ ២៖ មេដាយប្រាក់ កីឡាការិនី សួន សារី មកពីខេត្តកំពង់ឆ្នាំង ៣៖ មេដាយសំរឹទ្ធិ កីឡាការិនី គាត ចាន់នី មកពីខេត្តកណ្តាល សូមបញ្ជាក់ថា ការប្រកួតកីឡាជាតិជនពិការលើកទី៣ ឆ្នាំ២០២៦ ប្រភេទកីឡាបូស្យា បានចាប់ផ្តើបពីថ្ងៃទី០៨ដល់ថ្ងៃទី១១ ខែវិច្ឆិកា ឆ្នាំ២០២៦ នៅគណៈកម្មាធិ ការជាតិប៉ារ៉ាឡាំពិកកម្ពុជា។ ការប្រកួតមាន២វិញ្ញាសា វិញ្ញាសាឯកត្តជនបុរស និងឯកត្តជននារី ដែលមាអត្តពលិកសរុបចំនួន ១០នាក់ កីឡាករ០៥នាក់ និងកីឡាការិនី០៥នាក់ មកពី០៥រាជធានី/ខេត្ត រួមមាន រាជធានី ភ្នំពេញ ខេត្តកណ្តាល ខេត្តកំពង់ឆ្នាំង ខេត្តតាកែវ និងខេត្តត្បូងឃ្មុំ។