柬埔寨司法部启动公务员招考 拟录用45名法律人才

**ឯកឧត្តមបណ្ឌិត ជិន ម៉ាលីន **រដ្ឋលេខាធិការប្រចាំការក្រសួងយុត្តិធម៌ និងសហការី **អញ្ជើញចូលរួមកិច្ចប្រជុំស្តីពីការរៀបចំដំណើរការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ណក្រសួងយុត្តិធម៌** =================== នាព្រឹកថ្ងៃពុធ ១២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦ នៅគណៈកម្មាធិការកែទម្រង់រដ្ឋបាលសាធារណៈ៖ **ឯកឧត្តមបណ្ឌិត ជិន ម៉ាលីន **រដ្ឋលេខាធិការប្រចាំការក្រសួងយុត្តិធម៌ និងសហការី បាន**អញ្ជើញចូលរួមកិច្ចប្រជុំស្តីពីការរៀបចំដំណើរការប្រឡងប្រជែងជ្រើសរើសមន្ត្រីរាជការ**ជំនាញច្បាប់ ក្របខ័ណ្ឌប្រភេទ “ក” ចំនួន ៤៥នាក់ ឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌**។ **កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់ **ឯកឧត្តម ហ៊ុន ម៉ានី** ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង។ នៅក្នុងកិច្ចប្រជុំ​ អង្គប្រជុំបានធ្វើការពិនិត្យ និងពិភាក្សាយ៉ាងយកចិត្តទុកដាក់លើរបៀបវារៈសំខាន់ៗរួមមាន៖ • ស្តាប់របាយការណ៍សង្ខេបស្តីពីវឌ្ឍនភាពនៃការទទួលពាក្យបេក្ខជន • ពិនិត្យមើលការរៀបចំការងារទូទៅ • ពិភាក្សាលើការកំណត់សម័យប្រឡង និងមណ្ឌលប្រឡង • ការរៀបចំកិច្ចការចាំបាច់ផ្សេងៗឆ្ពោះទៅថ្ងៃប្រឡងប្រជែង។ កិច្ចប្រជុំក៏បានធ្វើការពិនិត្យពិភាក្សាផងដែរ អំពី**ការរៀបចំដំណើរការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌក្រសួងការបរទេស និងសហប្រតិបត្តិការអន្តរជាតិ និងរដ្ឋលេខាធិការដ្ឋានកិច្ចការព្រំដែន។ កិច្ចប្រជុំនេះក៏មានការចូលរួមផងដែរពី ឯកឧត្តម ខាន់ វណ្ណៈ រដ្ឋលេខាធិការ និងជាប្រធានក្រុមការងារកែទម្រង់រដ្ឋបាលសាធារណៈក្រសួងយុត្តិធម៌ និង ឯកឧត្តម កើត សេកាណូ អគ្គលេខាធិការក្រសួងយុត្តិធម៌ និងសហការី។**