金边警方逮捕4名在宋干节期间盗窃手机的越南籍女子

🔴នគរបាលរាជធានីភ្នំពេញ ចាប់ខ្លួនស្ដ្រីជនជាតិវៀតណាម៤នាក់ ដែលធ្វើសកម្មភាពលួចទូរស័ព្ទដៃ ក្នុងកម្មវិធីនគរសង្ក្រាន្ដ❗️ (ភ្នំពេញ)៖ ការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការណ៍ជាមួយអធិការដ្ឋាននគរបាលខណ្ឌចំការមន បានឃាត់ខ្លួនស្ដ្រីជនជាតិវៀតណាម 4នាក់ ពាក់ព័ន្ធនឹងបទល្មើសអំពើលួច (វះកាបូបលួចទូរស័ព្ទដៃ) នៅក្នុងកម្មវិធីនគរសង្រ្កាន ផ្លូវ១៥៥ សង្កាត់ទួលទំពូង១ ខណ្ឌចំការមន រាជធានីភ្នំពេញ កាលពីថ្ងៃទី១៣ ខែមេសា ឆ្នាំ២០២៦។ របាយការណ៍របស់សមត្ថកិច្ចបានបញ្ជាក់ថា ជនសង្ស័យទី1- ឈ្មោះ CHU THI CHIEN ភេទស្រី អាយុ69ឆ្នាំ ជនជាតិវៀតណាម, ទី2- ឈ្មោះ NGUYEN THI HOA ភេទស្រី អាយុ59ឆ្នាំ ជនជាតិវៀតណាម, ទី3- ឈ្មោះ TRAN THI THAO ភេទស្រី អាយុ53ឆ្នាំ ជនជាតិវៀតណាម និង ទី4- ឈ្មោះ KIM THI LIEU ភេទស្រី អាយុ60ឆ្នាំ ជនជាតិវៀតណាម។ វត្ថុតាងចាប់យករួមមាន កាបូបស្ពាយពីក្រោយចំនួន1 ពណ៌ខ្មៅ, ទូរស័ព្ទដៃចម្រុះម៉ាក ចំនួន17គ្រឿង និងក្រដាស់អាលុយម៉ីញ៉ូម មួយចំនួន។ បច្ចុប្បន្ន ជនសង្ស័យការិយាល័យជំនាញកំពុងកសាងសំណុំរឿងតាមនីតិវិធី៕ ✦** . 　⁺ 　 . **✦** . 　⁺ 　 . **✦** . 　⁺ 　 . **✦** . 　⁺ 　 . **✦** . ** 👉🏻នាំមកជូនដោយ**: “**រាជសីហ៍**” **ហាងនៃពិភពសម្ភារៈវាយសីដ៏សម្បូរបែប** **រួមមានយីហោ** YONEX, VICTOR & LINING**❗🏸🎾 👉🏻**Telegram : ****https://t.me/reachseibadminton**