金边市长视察水净华区湄公河岸坍塌现场及胜利大道积水点，并下令

ក្រោយបញ្ចប់បេសកកម្ម នៅក្រៅប្រទេស ដោយជោគជ័យ មិនសំរាកទេ ឯកឧត្តមអភិបាលរាជធានីភ្នំពេញ និងអាជ្ញាធរពាក់ពន្ធ័ អញ្ជើញចុះពិនិត្យ ស្ថានភាពនៃការបាក់ច្រាំង នៅសង្កាត់ព្រែកលៀប ខណ្ឌជ្រោយចង្វារ ហើយបន្តពិនិត្យកន្លែងទឹកភ្លៀងលិចផ្លូវ នៅតាមបណ្តោយមហាវិថីឈ្នះ-ឈ្នះ នារសៀលថ្ងៃនេះ ឯកឧត្តម ឃួង ស្រេង អភិបាលរាជធានីភ្នំពេញ បានដឹកនាំក្រុមការងារបច្ចេកទេសចុះពិនិត្យស្ថានភាពបាក់ស្រុតច្រាំងទន្លេ និងផ្លូវបេតុងដែលរងការខូចខាត នៅចំណុចផ្សារក្រមួន តាមបណ្តោយផ្លូវទន្លេមេគង្គ ស្ថិតក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ រួមទាំងបានចាត់វិធានការជួសជុលស្ថាបនាផ្លូវឡើងវិញ ដេីម្បីធានាសុវត្ថិភាព និងសម្រួលដល់ការធ្វើដំណើររបស់ប្រជាពលរដ្ឋ ព្រមទាំងបន្តចុះពិនិត្យស្ថានភាពទីតាំងដែលទឹកភ្លៀងលិចផ្លូវនៅតាមបណ្តោយមហាវិថីឈ្នះ-ឈ្នះ ដើម្បីរកវិធានការដោះស្រាយបញ្ហាកុំឱ្យមានការលិចលង់ជាបន្តបន្ទាប់ទៀត។ រាជធានីភ្នំពេញ ថ្ងៃទី១៨ ខែតុលា ឆ្នាំ២០២៦។