柬埔寨政府启动行政职能改革 旨在精简机构提升效率

សម្តេចធិបតីបានបញ្ជាក់ថាអភិក្រមកំណែទម្រង់របស់រាជរដ្ឋាភិបាលផ្តោតលើការធានាឱ្យស្ថាប័នដែលមានស្រាប់អាចបំពេញការងារប្រកបដោយប្រសិទ្ធភាព។ ការធ្វើវិភាគមុខងារ ផ្តោតលើ ៣ចំណុចសំខាន់ៗ គឺ ពង្រឹងរចនាសម្ព័ន្ធ ពង្រឹងប្រព័ន្ធការងារ និងពង្រឹងធនធានមនុស្ស។ តាមរយៈដំណើរការនេះ អគ្គនាយកដ្ឋានមួយចំនួនត្រូវបានកាត់បន្ថយ គ្រាដែលក្រសួង ស្ថាប័នមួយចំនួនទៀតត្រូវបានបន្ថែមផ្នែក ដើម្បីឆ្លើយតបនឹងការវិវឌ្ឍនៃសង្គម។ លោកគូសបញ្ជាក់ថា កម្ពុជាមិនយកគំរូកំណែទម្រង់របស់ប្រទេសណាមួយមកអនុវត្តដោយផ្ទាល់ឡើយ ប៉ុន្តែអនុវត្តទៅតាមស្ថានភាពជាក់ស្តែង និងដំណាក់កាលអភិវឌ្ឍន៍របស់ប្រទេស។ ​ សម្តេចធិបតីក៏បានផ្តាំផ្ញើដល់មន្ត្រីរាជការនៅតាមក្រសួង ស្ថាប័នទាំងអស់ ឱ្យពង្រឹងស្មារតីបំពេញការងារ និងកុំមានការព្រួយបារម្ភចំពោះការកាត់ ឬបង្កើតក្រសួង ស្ថាប័ន។ លោកបានបន្ថែមថា បញ្ហាពង្រីក ឬបង្រួមក្រសួង អាស្រ័យលើទិសដៅនយោបាយ ព្រោះប្រទេសខ្លះបង្រួមក្រសួងដើម្បីបង្ហាញឆន្ទៈនយោបាយអំពីការកំណែទម្រង់ ហើយប្រទេសខ្លះពង្រីកក្រសួងដោយសារមានគណបក្សច្រើន ប៉ុន្ដែក៏នៅមានហេតុផលបច្ចេកទេសផ្សេងទៀត ដូចជាការកាត់បន្ថយការជាន់គ្នានៃមុខងារ កាត់បន្ថយនីតិវិធី និងចំណាយ ឬពង្រឹងអាទិភាពថ្មីៗដែលត្រូវការការយកចិត្តទុកដាក់។ [**Join AMS One-minute**](https://t.me/ams1minute)