柬埔寨计划2029年脱离最不发达国家行列

[来源: 柬埔寨国家电视台] [分类提示: NEWS] 标题: កម្ពុជាគ្រោងចាកចេញពីចំណាត់ថ្នាក់ប្រទេសអភិវឌ្ឍន៍តិចតួចនៅខែធ្នូ ឆ្នាំ២០២៩ ដែលជាសមិទ្ធផលដ៏សំខាន់នៃការអភិវឌ្ឍ ភ្នំពេញ ៖ នារសៀលថ្ងៃទី២២ ខែកញ្ញា ឆ្នាំ២០២៦ លោកជំទាវ សុវណ្ណ វណ្ណារតន៍ រដ្ឋមន្ត្រីស្តីទី នៃក្រសួងការងារនិងបណ្តុះបណ្តាលវិជ្ជាជីវៈ បានអញ្ជើញជាអធិបតីក្នុងពិធីបិទវេទិកាសមភាពយេនឌ័រ លើកទី៥ ស្តីពី “កិច្ចសន្ទនាទៅកាន់ការអនុវត្តការជំរុញសមភាពយេនឌ័រ និងបរិយាកាសការងារប្រកបដោយសុវត្ថិភាព ដោយគាំទ្រដល់ការចាកចេញរបស់កម្ពុជាពីប្រទេសអភិវឌ្ឍន៍តិចតួច (LDC)”។ ពិធីនេះមានការចូលរួមពីក្រសួង-ស្ថាប័នរដ្ឋ ដៃគូអភិវឌ្ឍន៍ វិស័យឯកជន អង្គការសង្គមស៊ីវិល និងតំណាងកម្មករនិយោជិត ក្នុងគោលបំណងបង្កើនការយល់ដឹង និងជំរុញកិច្ចសន្ទនាពហុភាគីឱ្យឈានទៅរកសកម្មភាពជាក់ស្តែង ក្នុងការលើកកម្ពស់សមភាពយេនឌ័រ ការពង្រឹងអំណាចស្ត្រី សិទ្ធិមនុស្ស ការងារសមរម្យ និងការបង្កើតកន្លែងការងារដែលមានសុវត្ថិភាព និងបរិយាបន្ន ដើម្បីរួមចំណែកដល់ការអភិវឌ្ឍសេដ្ឋកិច្ច និងសង្គមប្រកបដោយចីរភាពរបស់កម្ពុជា ខណៈកម្ពុជាត្រៀមចាកចេញពីចំណាត់ថ្នាក់ប្រទេសអភិវឌ្ឍន៍តិចតួច (LDC)។ លោកជំទាវបានបញ្ជាក់ថា ៖ កម្ពុជាគ្រោងចាកចេញពីចំណាត់ថ្នាក់ប្រទេសអភិវឌ្ឍន៍តិចតួចនៅខែធ្នូ ឆ្នាំ២០២៩ ដែលជាសមិទ្ធផលដ៏សំខាន់នៃការអភិវឌ្ឍ។ ទន្ទឹមនឹងមោទនភាពនេះ កម្ពុជាក៏ត្រូវត្រៀមខ្លួនសម្រាប់ការប្រែប្រួលនៃលក្ខខណ្ឌពាណិជ្ជកម្ម និងតម្រូវការកាន់តែខ្ពស់របស់ទីផ្សារអន្តរជាតិ។ ដូច្នេះ បញ្ហាប្រឈមនៃអន្តរកាលនេះ ត្រូវប្រែក្លាយទៅជាកាលានុវត្តភាពសម្រាប់ការពង្រឹងភាពធន់ និងភាពប្រកួតប្រជែងរបស់សហគ្រាស និងការបង្កើតការងារសមរម្យ។ លោកជំទាវបានលើកឡើងពីសារៈសំខាន់នៃការចូលរួមរបស់ស្ត្រីក្នុងវិស័យវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប (GFT) ដែលជាផ្នែកសំខាន់មួយនៃសេដ្ឋកិច្ចកម្ពុជា។ ការឆ្លើយតបទៅនឹងការផ្លាស់ប្តូរ