旅游部完成900名公务员生物识别普查 旨在提升行政效率

**ថ្នាក់ដឹកនាំ និងមន្ត្រីរាជការជាង ៩០០នាក់ បានធ្វើជីវមាត្ររួចរាល់ ក្នុងការធ្វើជំរឿនមន្ត្រីជាក់ស្តែងនៅទីស្តីការក្រសួងទេសចរណ៍** ក្រសួងទេសចរណ៍ ជាក្រសួងទី១២ ដែលគណៈកម្មការធ្វើបច្ចុប្បន្នភាព និងជំរឿនមន្ត្រីជាក់ស្តែង បានបញ្ចប់ការចុះធ្វើជំរឿនមន្ត្រីជាក់ស្តែង នៅតាមរចនាសម្ព័ន្ធអង្គភាពចំណុះទីស្តីការក្រសួងរួចរាល់តាមការគ្រោងទុក។ ការធ្វើជំរឿននេះ មានរយៈពេល ២ថ្ងៃពេញ គឺថ្ងៃទី២៥ និងទី២៦ ខែមិថុនា ឆ្នាំ២០២៦ គណៈកម្មការជំរឿន បានចុះពិនិត្យផ្ទៀងផ្ទាត់រចនាសម្ព័ន្ធ និងវត្តមានមន្ត្រីក្របខ័ណ្ឌ មន្ត្រីជាប់កិច្ចសន្យា និងមន្ត្រីផ្សេងទៀត ដែលកំពុងបំពេញការងារជាក់ស្តែង នៅតាមអង្គភាពចំណុះទីស្តីការក្រសួងទេសចរណ៍ ដោយមានអ្នកចូលរួមប្រមាណជាង ៩០០នាក់ បានចូលរួមក្នុងដំណើរការនៃការធ្វើជំរឿននេះផងដែរ។ គណៈកម្មការជំរឿនមន្ត្រីជាក់ស្តែង សូមកោតសរសើរ និងថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំ និងមន្ត្រីគ្រប់ជាន់ថ្នាក់ក្រសួងទេសចរណ៍ទាំងអស់ ដែលបានសហការយ៉ាងសកម្មចូលរួមក្នុងការអនុវត្តតាមការណែនាំរបស់គណៈកម្មការយ៉ាងខ្ជាប់ខ្ជួន ដែលធ្វើឱ្យដំណើរការនេះប្រព្រឹត្តទៅដោយរលូន និងចប់តាមការរំពឹងទុក។