暹粒省举办第九届TVET职业教育日 展示学生技术成果

**ស្នាដៃនិស្សិត និងជំនាញនានា ក្នុងTVET ត្រូវបានបង្ហាញក្នុងទិវាជាតិ TVET នៅសៀមរាប** ​   សៀមរាប៖ រដ្ឋបាលខេត្តសៀមរាប និងមន្ទីរការងារខេត្ត បានសហការរៀបចំ​ទិវា​ជាតិ​អប់រំ​បណ្ដុះ​បណ្ដាលបច្ចេកទេស និងវិជ្ជាជីវៈ លើកទី៩ ឆ្នាំ២០២៦ ក្រោមប្រធានបទ«TVET ផ្ដល់​ជំនាញ ការងារ និងប្រាក់ចំណូល» នៅសួនព្រះរាជដំណាក់ ក្រុងសៀមរាប នៅថ្ងៃទី១៥ មិ​ថុនានេះ។ កម្មវិធីនេះមានគោលបំណងលើកកម្ពស់គុណភាព នៃការអប់រំបណ្ដុះ​បណ្ដាល​បច្ចេកទេស និងវិជ្ជាជីវៈ តាមរយៈការផ្សព្វផ្សាយ ការលើកទឹកចិត្ដ និងជំរុញ​សា​ធារណ​ជន ជាពិសេសសិស្សានុសិស្ស យុវជន ​ឱ្យយល់ដឹងកាន់តែច្បាស់​​ពីសារៈសំខាន់​នៃការអប់រំ​ជំនាញបច្ចេកទេស វិជ្ជាជីវៈ ដើម្បីឆ្លើយតបទៅនឹង​តម្រូវការទីផ្សារ​ការងារក្នុងស្រុក និងក្រៅ​ស្រុក។ ក្នុងនោះដែរ មានការចូលរួមតាំងបង្ហាញនូវស្នាដៃនិស្សិត និងសិក្ខាកាមមកពី វិទ្យា​ស្ថាន​ជាតិពហុបច្ចេកទេសអង្គរ និងវិទ្យាស្ថានពហុបច្ចេកទេសតេជោសែនភូមិភាគ​សៀមរាប ដូចជាជំនាញអេឡិចត្រូនិក ស្ថាបត្យកម្ម អគ្គិសនី សំណង់ និងជំនាញចុងភៅជាដើម។ ជាមួយគ្នានេះ ក៏មានការចូលរួមពីសិស្សានុសិស្សនៅក្នុងខេត្ដសៀមរាប ដើម្បីសិក្សាស្វែង​យល់ពីជំនាញនីមួយៗ និងទទួលយកចំណេះដឹងពីការតាំងបង្ហាញស្នាដៃនេះផងដែរ៕ ដោយ៖ អុិវ ផានិត