AFC挑战联赛：Manila Digger赛前发布会

លោក Kim Versales គ្រូបង្វឹកក្រុម Manila Digger ថា ជំនួបទល់ព្រះខ័នរាជស្វាយរៀង ស្អែកនេះ មិនមានអ្វីខុសប្លែកគ្នាច្រើនទេ បើធៀបកាលពីជួបគ្នា នៅវគ្គចែកពូល ទោះបីក្រុមទាំងពីរ បាននាំចូលកីឡាករថ្មីៗ ដែលអាចកែប្រែ និងផ្លាស់ប្ដូរការប្រកួតខ្លះ តែអ្វីៗស្ថិតលើការប្រកួតជាក់ស្ដែង បន្ទាប់ពីចាប់ផ្ដើម ១០ ឬ ១៥នាទី គ្រូទាំងពីរ នឹងមើល ឬផ្លាស់ប្ដូរទៅតាមការប្រកួត ព្រោះគ្រូបង្វឹករក្សានៅដដែល នេះបើតាមការលើកឡើងក្នុងសន្និសីទសារព័ត៌មាន មុនជំនួបវគ្គពាក់កណ្ដាលផ្ដាច់ព្រ័ត្រ(ជើងទី១) នៃពានរង្វាន់ AFC Challenge League 2025/26 នាយប់ថ្ងៃទី៩ ខែមេសាស្អែក នៅពហុកីឡដ្ឋានជាតិមរតកតេជោ មុនជំនួបកាត់សេចក្ដី ជើងទី២ នៅទឹកដីហ្វីលីពីន នាថ្ងៃទី១៦ ខែមេសាខាងមុខ។