柬埔寨国防部配合东盟观察员 赴西拉高棉村核实边境现状

**កម្ពុជា សម្របសម្រួលក្រុមអ្នកសង្កេតការណ៍អាស៊ាន ចុះពិនិត្យស្ថានភាពព្រំដែននៅភូមិសិលាខ្មែរ** ក្រសួងការពារជាតិកម្ពុជា បានឱ្យដឹងថា នៅព្រឹកថ្ងៃទី១៧ ខែឧសភា ឆ្នាំ២០២៦ ក្រុមអ្នកសម្របសម្រួលកម្ពុជា (CLG) បានសម្របសម្រួលជូនក្រុមអ្នកសង្កេតការណ៍អាស៊ាន (AOT) ដឹកនាំដោយប្រធានបេសកកម្មហ្វីលីពីន ចុះសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែន នៅតំបន់ភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលជាតំបន់ប្រជាពលរដ្ឋកម្ពុជាអាស្រ័យផលជាយូរមកហើយ និងស្ថិតក្រោមការគ្រប់គ្រងរបស់កម្ពុជា ក្រោយបទឈប់បាញ់កម្ពុជា-ថៃ ចូលជាធរមានកាលពីថ្ងៃទី២៧ ខែធ្នូ ឆ្នាំ២០២៥។ ក្នុងសេចក្តីប្រកាសព័ត៌មាន លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ បានបញ្ជាក់ថា ការវាស់វែង និងកំណត់ខ្សែព្រំដែនជាក់ស្តែង ជាសមត្ថកិច្ចផ្តាច់មុខរបស់គណៈកម្មការចម្រុះខណ្ឌសីមាព្រំដែនគោក (JBC) និងក្រុមវាស់វែងចម្រុះ (JSTs) ប៉ុណ្ណោះ។ ភាគីកម្ពុជាក៏បន្តអះអាងមិនទទួលស្គាល់ការកែប្រែខ្សែព្រំដែនណាមួយ ដែលផ្ទុយពីអនុសញ្ញា និងឯកសារពាក់ព័ន្ធអន្តរជាតិ ព្រមទាំងអំពាវនាវឱ្យភាគីថៃពន្លឿនការចាត់បញ្ជូនក្រុម JSTs និងរៀបចំកិច្ចប្រជុំ JBC ឱ្យបានឆាប់ ដើម្បីរក្សាសន្តិភាព ស្ថិរភាព និងប្រក្រតីភាពយូរអង្វែងនៅតំបន់ព្រំដែន។ —— Page [Troryorng News](https://www.facebook.com/share/p/1ZfrcPhPoZ/) Page [Troryorng TV](https://www.facebook.com/share/14DPeavcn1c/?mibextid=wwXIfr) Page [Troryorng សង្គម-កម្សាន្ត](https://www.facebook.com/share/1GLoG894TC/?mibextid=wwXIfr) Page [Troryorng Spots](https://www.facebook.com/share/19g1hx7oGe/?mibextid=wwXIfr) www.troryorng.com