柬埔寨农业部公务员普查今日收官 覆盖3个办公地点

ការធ្វើជំរឿនមន្ត្រីជាក់ស្តែងចំណុះទីស្តីការក្រសួងកសិកម្ម រុក្ខាប្រមាញ់ និងនេសាទ កំពុងដំណើរការនៅ ៣ទីតាំងក្នុងពេលតែមួយ ថ្ងៃនេះ ជាថ្ងៃទី៣ នៃការចុះធ្វើជំរឿនមន្ត្រីជាក់ស្តែងតាមរចនាសម្ព័ន្ធចំណុះទីស្តីការក្រសួងកសិកម្ម រុក្ខាប្រមាញ់ និងនេសាទ។ ខណៈនេះ គណៈកម្មការជំរឿនមន្ត្រី បាន និងកំពុងអនុវត្តយ៉ាងសកម្មនៅ ៣ទីតាំង ដាច់ដោយឡែកពីគ្នា ស្របពេលតែមួយ ដើម្បីឱ្យដំណើរការនៃការចុះជំរឿនមន្ត្រីជាក់ស្តែង ប្រព្រឹត្តទៅបានដោយរលូន ទាន់ពេលវេលា និងដើម្បីធានាមិនឱ្យប៉ះពាល់ដល់ដំណើរការបំពេញការងារប្រចាំថ្ងៃរបស់មន្ត្រីក្នុងការផ្តល់សេវាសាធារណៈរបស់អង្គភាព ដែលជាគោលដៅនៃការធ្វើជំរឿន។ សម្រាប់ការចុះធ្វើជំរឿនមន្ត្រីជាក់ស្តែងក្នុងរចនាសម្ព័ន្ធរបស់ទីស្តីការក្រសួងកសិកម្ម រុក្ខាប្រមាញ់ និងនេសាទ ប្រព្រឹត្តទៅចាប់ពីថ្ងៃទី១៤ រហូតដល់ទី១៦ ខែកក្កដា ឆ្នាំ២០២៦ ដោយបានកំណត់កាលបរិច្ឆេទ និងទីតាំងជំរឿនរួមមាន៖ (១)ថ្ងៃទី១៤-១៥ ខែកក្កដា ឆ្នាំ២០២៦ នៅអគាមិត្តភាពនៃទីស្តីការក្រសួងកសិកម្ម រុក្ខាប្រមាញ់ និងនេសាទ និងសាកលវិទ្យាល័យភូមិន្ទកសិកម្ម និង (២)ថ្ងៃទី១៦ ខែកក្កដា ឆ្នាំ២០២៦ នៅវិទ្យាស្ថានជាតិកសិកម្ម ព្រែកលៀប, អគ្គនាយកដ្ឋានក្សេត្រសាស្ត្រ និងរដ្ឋបាលព្រៃឈើ។ ការធ្វើជំរឿនមន្ត្រីរាជការនាពេលនេះ គឺការធ្វើបច្ចុប្បន្នភាពទិន្នន័យមន្ត្រី និងដើម្បីដឹងច្បាស់ពីទិន្នន័យរបស់មន្ត្រីដែលកំពុងបម្រើការងារពិតប្រាកដ។ ការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែង ធ្វើឡើង ដើម្បីទទួលបានទិន្នន័យច្បាស់លាស់ ឯកភាពគ្នា និងប្រើប្រាស់បានរួមគ្នា៕