柬埔寨司法部讨论交通事故保险理赔程序

ឯកឧត្តម សន សោភ័ណ អនុរដ្ឋលេខាធិការក្រសួងយុត្តិធម៌បានចូលរួមប្រជុំពិភាក្សាសេចក្តីព្រាងប្រកាសអន្តរក្រសួងស្តីពីនីតិវិធីនៃការដោះស្រាយ ករណីគ្រោះថ្នាក់ចរាចរណ៍បង្កឡើងដោយយានយន្តមានការធានារ៉ាប់រង ===================== នាព្រឹកថ្ងៃពុធ ៣កើត ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៤ ខែតុលា ឆ្នាំ២០២៦ នៅនៃទីស្តីការក្រសួងមហាផ្ទៃ ឯកឧត្តម សន សោភ័ណ អនុរដ្ឋលេខាធិការក្រសួងយុត្តិធម៌និងជាសមាជិកក្រុមការងារអន្តរក្រសួងដើម្បីអនុវត្តការធានារ៉ាប់រងជាកាតព្វកិច្ច, លោកជំទាវ សុន សុខាលីដា​ អគ្គនាយកនៃអង្គនាយកដ្ឋានកិច្ចការអយ្យការនិងព្រហ្មទណ្ឌ និងលោក ឈុន សីហា ប្រធាននាយកដ្ឋានកិច្ចការអយ្យការ បានចូលរួមកិច្ចប្រជុំពិភាក្សា សេចក្តីព្រាងប្រកាសអន្តរក្រសួងស្តីពីនីតិវិធីនៃការដោះស្រាយករណីគ្រោះថ្នាក់ចរាចរណ៍បង្កឡើងដោយយានយន្តមានការធានារ៉ាប់រង ក្រោមអធិបតីភាព ឯកឧត្តម ហ៊ឹម យ៉ាន​ រដ្ឋលេខាធិការក្រសួងមហាផ្ទៃ។ កិច្ចប្រជុំនេះ បានពិនិត្យនិងពិភាក្សាលើទម្រង់និងខ្លឹមសារលម្អិតនៃសេចក្តីព្រាងប្រកាសអន្តរក្រសួង (ក្រសួងសេដ្ឋកិច្ចនិងហិរញ្ញវត្ថុ, ក្រសួងមហាផ្ទៃនិងក្រសួងយុត្តិធម៌) ស្តីពីនីតិវិធីនៃការដោះស្រាយករណីគ្រោះថ្នាក់ ចរាចរណ៍បង្កឡើងដោយយានយន្តមានការធានារ៉ាប់រង ។