外国武官团访问柬泰边境 国防部重申和平解决争端立场

ក្រុមអនុព័ន្ធយោធាបរទេសប្រចាំកម្ពុជា ធ្វើទស្សនកិច្ចទៅកាន់ខេត្តមួយចំនួនក្នុងតំបន់ព្រំដែនកម្ពុជា-ថៃ ក្រសួងការពារជាតិ នៅថ្ងៃទី២៨ ខែមេសានេះ បានសម្របសម្រួលដំណើរ ទស្សនកិច្ចជូនក្រុមអនុព័ន្ធយោធាបរទេស (MACPP) ប្រចាំកម្ពុជា ទៅកាន់ខេត្តមួយចំនួនក្នុងតំបន់ព្រំដែនកម្ពុជា-ថៃ នៅ ក្នុង អំឡុងពេលដែលកំពុងអនុវត្តបទឈប់បាញ់រវាងប្រទេសទាំងពីរ។ នេះបើយោងតាមសេចក្តីប្រកាសព័ត៌មានអ្នកនាំពាក្យក្រសួងការពារជាតិ។ លោកស្រី ម៉ាលី សុជាតា គូសបញ្ជាក់ថា ក្នុងនាមជារដ្ឋដែលគោរពច្បាប់និងមានការទទួលខុសត្រូវខ្ពស់ កម្ពុជា ប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ និងគោលការណ៍ជាមូលដ្ឋានរបស់ធម្មនុញ្ញអង្គការសហប្រជាជាតិ និងធម្មនុញ្ញអាស៊ាន ដោយប្រឆាំងជាដាច់ខាតការគំរាម ឬការប្រើប្រាស់កម្លាំង សំដៅសម្រេចឱ្យបាន នូវដំណោះស្រាយមួយដែលយុត្តិធម៌ មិនលម្អៀង និងយូរអង្វែង ដែលជាមូលដ្ឋានគ្រឹះ សម្រាប់ប្រជាជននៃប្រទេសទាំងពីរ អាចរួមរស់ជាមួយគ្នាក្នុងសន្តិភាព ស្ថិរភាព និងការអភិវឌ្ឍ។ រូបភាព៖ ក្រសួងការពារជាតិ