柬泰边境测量工作停滞 泰方违背双边会议纪要承诺

ទោះបីជាគណៈកម្មការ JBC កម្ពុជាបានបញ្ជូនកំណត់ទូតជាច្រើនទៅគណៈកម្មការ JBC ថៃ ដើម្បីស្នើរៀបចំកិច្ចប្រជុំពិសេសរបស់គណៈកម្មការ JBC កម្ពុជា-ថៃ និងស្នើចាត់បញ្ជូនក្រុមវាស់វែងចម្រុះ ដើម្បីបន្ដចុះអនុវត្ដការងារលើដីជាក់ស្ដែង ប៉ុន្ដែភាគីថៃបានឆ្លើយតបដោយស្នើលើកពេលជាបន្ដបន្ទាប់។ នេះបើតាមការបញ្ជាក់របស់រដ្ឋលេខាធិការដ្ឋានកិច្ចការព្រំដែន។ តាមសេចក្ដីប្រកាសព័ត៌មានចេញនៅថ្ងៃទី១៦ ខែមិថុនា ឆ្នាំ២០២៦នេះ រដ្ឋលេខាធិការដ្ឋានកិច្ចការព្រំដែន ឱ្យដឹងថា ការអូសបន្លាយពេលវេលានៃការតែងតាំងប្រធាននិងសមាសភាព JBC ថ្មី និងការមិនចាត់បញ្ជូនក្រុមវាស់វែងចម្រុះមកបន្ដអនុវត្ដការងាររបស់ភាគីថៃ គឺផ្ទុយនឹងខ្លឹមសារនៃកំណត់ហេតុកិច្ចប្រជុំពិសេសរបស់គណៈកម្មការ JBC កម្ពុជា-ថៃ ចុះថ្ងៃទី២២ ខែតុលា ឆ្នាំ២០២៥ និងស្មារតីនៃសេចក្ដីប្រកាសរួមកិច្ចប្រជុំ GBC ចុះថ្ងៃទី២៧ ខែធ្នូ ឆ្នាំ២០២៥។ ============= [**👉Facebook**](https://www.facebook.com/vayofm)[** 👉Telegram**](https://t.me/vayofm)** **[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)