缅甸总统敏昂莱访柬 将与柬埔寨高层举行会谈

លោក មីន អ៊ុងឡាំង ប្រធានាធិបតីមីយ៉ាន់ម៉ា ចាប់ផ្តើមដំណើរទស្សនកិច្ចនៅកម្ពុជា លោក មីន អ៊ុងឡាំង(Min Aung Hlaing) ប្រធានាធិបតីមីយ៉ាន់ម៉ា បានមកដល់កម្ពុជា ហើយ សម្រាប់ដំណើរទស្សនកិច្ចផ្លូវរដ្ឋ ពីថ្ងៃទី១១ ដល់ទី១២ ខែកញ្ញា។ ក្នុងអំឡុង ទស្សនកិច្ចរយៈពេល២ថ្ងៃនេះ លោក មីន អ៊ុងឡាំង នឹងមានជំនួបកំពូលជាមួយ សម្តេច ហ៊ុន សែន ប្រមុខរដ្ឋស្តីទី, ជួបពិភាក្សាទ្វេភាគីដោយឡែកពីគ្នា ជាមួយសម្តេច ឃួន សុដារី ប្រធានរដ្ឋសភាកម្ពុជា និងសម្តេចនាយករដ្ឋមន្ត្រី ហ៊ុន ម៉ាណែត។ បើតាមក្រសួងការបរទេស ថ្នាក់ដឹកនាំនៃប្រទេសទាំងពីរ នឹងពិភាក្សាអំពី ការពង្រឹងទំនាក់ទំនងឱ្យកាន់តែជិតស្និទ្ធ និងពង្រីកកិច្ចសហប្រតិបត្តិការដែលផ្តល់ផលប្រយោជន៍ទៅវិញ ទៅមក ព្រមទាំងផ្លាស់ប្តូរទស្សនៈលើបញ្ហាតំបន់ និងអន្តរជាតិនានាដែលជាការយកចិត្តទុកដាក់រួម។ ក្រៅពីនេះ ប្រធានាធិបតីមីយ៉ាន់ម៉ា ក៏នឹងអញ្ជើញដាក់កម្រងផ្កា គោរពវិញ្ញាណក្ខន្ធនៅវិមាន ឯករាជ្យ និងនៅមណ្ឌបព្រះបរមរូប ព្រះបរម រតនកោដ្ឋផងដែរ។ ក្រសួងការបរទេស បញ្ជាក់ទៀតថា ទស្សនកិច្ចផ្លូវរដ្ឋរបស់ ប្រធានាធិបតី មីន អ៊ុងឡាំង គឺបញ្ជាក់អំពីគោលបំណងរួមក្នុងការពង្រឹងបន្ថែមទៀតនូវចំណងមិត្តភាពដ៏កក់ក្តៅ រវាងប្រទេស និងប្រជាជនទាំងពីរ។