柬埔寨公务员亡人节补贴及10-11月薪资发放计划

📢 **សេចក្តីជូនដំណឹង ស្តីពី «ការបើកផ្តល់ប្រាក់បៀវត្សជូនមន្ត្រីរាជការស៊ីវិល សម្រាប់ខែតុលា និងខែវិច្ឆិកា ឆ្នាំ២០២៦**» ក្រសួងមុខងារសាធារណៈ សូមជម្រាបជូនដំណឹងដល់សម្ដេច ឯកឧត្តម លោកជំទាវ លោក លោកស្រី ដែលជាប្រធានស្ថាប័នថ្នាក់ជាតិ និងអភិបាលនៃគណៈអភិបាលរាជធានី-ខេត្ត ព្រមទាំងមន្ត្រីរាជការស៊ីវិលទាំងអស់ ឱ្យបានជ្រាបថា ដើម្បីបង្កលក្ខណៈងាយស្រួល និងបង្កើនបរិយាកាសរីករាយជូនមន្ត្រីរាជការ ក្នុងឱកាសពិធីបុណ្យភ្ជុំបិណ្ឌខាងមុខ រាជរដ្ឋាភិបាល បានកំណត់កាលវិភាគបើកផ្តល់ប្រាក់ ដូចខាងក្រោម៖ **១. ប្រាក់ឧបត្ថម្ភបុណ្យភ្ជុំបិណ្ឌ** 👉ផ្តល់ជូនមន្ត្រីរាជការស៊ីវិលម្នាក់ចំនួន ៥០,០០០ (ប្រាំម៉ឺន) រៀល។ **២. ការបើកប្រាក់បៀវត្សខែតុលា ឆ្នាំ២០២៦** 👉ត្រូវរៀបចំបើកផ្តល់ប្រាក់ឧបត្ថម្ភបុណ្យភ្ជុំបិណ្ឌ រួមគ្នាជាមួយប្រាក់បៀវត្សប្រចាំខែតុលា តែមួយលើកគត់។ 👉ត្រូវបើកផ្តល់ឱ្យបានដល់ដៃមន្ត្រីរាជការយ៉ាងយូរបំផុតត្រឹមថ្ងៃទី៨ ខែតុលា ឆ្នាំ២០២៦។ **៣. ការបើកប្រាក់បៀវត្សខែវិច្ឆិកា ឆ្នាំ២០២៦** 👉លើកទី១៖ ត្រូវបើកផ្តល់ឱ្យបានក្នុង សប្តាហ៍ទី១ នៃខែវិច្ឆិកា ឆ្នាំ២០២៦។ 👉លើកទី២៖ ត្រូវបើកផ្តល់ឱ្យបានក្នុង សប្តាហ៍ទី៣ នៃខែវិច្ឆិកា ឆ្នាំ២០២៦។ ក្រសួងមុខងារសាធារណៈ សង្ឃឹមយ៉ាងមុតមាំថា គ្រប់ក្រសួង ស្ថាប័នថ្នាក់ជាតិ និងរដ្ឋបាលថ្នាក់ក្រោមជាតិ នឹងចូលរួមសហការអនុវត្តតាមខ្លឹមសារសេចក្តីជូនដំណឹងនេះ ឱ្យមានប្រសិទ្ធភាពខ្ពស់។