柬埔寨服装业三年新增562家工厂 创造38万就业

លោក ហេង សួរ៖ ក្នុងរយៈពេល ៣ ឆ្នាំមកនេះ តាមរយៈយន្តការត្រីភាគី កម្ពុជា​រក្សា​បាន​នូវភាព​ប្រកួត​ប្រជែង ​ដែល​ធ្វើឱ្យ​មាន​កំណើន​រោង​ចក្រកាត់ដេរ និងបង្កើតការងារថ្មីជូនពលរដ្ឋរាប់សែននាក់ លោក ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈ នៅថ្ងៃទី១៤ ខែកញ្ញា ឆ្នាំ២០២៦នេះ បានអះអាងថា ដោយសារ​តែភាពរលូន​នៃ​ការចរចា​​ក្នុងរយៈពេល៣ឆ្នាំកន្លងមកនេះតាមរយៈយន្តការត្រីភាគី កម្ពុជារក្សា​បាននូវការ​ប្រកួតប្រជែង​ក្នុងតំបន់​ដែល​ធ្វើឱ្យមាន​កំណើន​រោងចក្រ​ក្នុង​វិស័យកាត់ដេរ​រហូតដល់ ៥៦២ និងបានបង្កើត​ការងារថ្មី​ជូនពលរដ្ឋ​ប្រមាណជាង៣៨ម៉ឺននាក់​ដែលគិតជា​ថវិកា​មួយឆ្នាំៗ​ប្រមាណជិត​១ពាន់លានដុល្លារ​ដែលបានហូរចូលហោប៉ៅរបស់ពលរដ្ឋ។ សូមបញ្ជាក់ថា ក្នុងរយៈពេល៣ឆ្នាំមកនេះក្រៅពីកំណើននៃវិស័យកាត់ដេរ កម្ពុជាក៏មានកំណើនសហគ្រាសផ្សេងទៀត ប្រមាណជាង៦,៨៩៦ ដែល​បានបង្កើតការងារជូនពលរដ្ឋប្រមាណ២៩,៩ម៉ឺននាក់ផងដែរដែលធ្វើឱ្យចំនួនរោងចក្រ សហគ្រាស ក្រុមហ៊ុនកើនដល់ជាង៤,៧ម៉ឺន ដែល​មានកម្មករ​និយោជិត​សរុបដល់២,៣លាននាក់៕