卫生部赴卜迭棉芷省 督查社区保健中心服务质量

ការចុះពិនិត្យវឌ្ឍនភាព និងជំរុញការកែលម្អគុណភាពសេវាសុខាភិបាលនៅតាមមណ្ឌលសុខភាព ជុំទី៣។ -- ខេត្តបន្ទាយមានជ័យ៖ ចាប់ពីថ្ងៃទី២ ដល់ថ្ងៃទី៦ ខែវិច្ឆិកា ឆ្នាំ២០២៦ ឯកឧត្តមវេជ្ជបណ្ឌិត នាង ភារិទ្ធ រដ្ឋលេខាធិការក្រសួងសុខាភិបាល បានចុះអភិបាលគាំទ្រ ពង្រឹងគុណភាពការបម្រើសេវាថែទាំ និងព្យាបាល នៅតាមមណ្ឌលសុខភាពក្នុងខេត្ត បន្ទាយមានជ័យ ។ ការចុះតាមមណ្ឌលសុខភាព បានពិនិត្យលើហេដ្ឋារចនាសម្ព័ន្ធក្នុង និងក្រៅមណ្ឌលសុខភាព ការថែទាំសម្ភារៈបរិក្ខារពេទ្យ ការរក្សាទុកដាក់ឱសថ វ៉ាក់សាំង ធនធានមនុស្ស អាកប្បកិរិយាទំនាក់ទំនង សកម្មភាពការងារ ២៤ម៉ោង/២៤ម៉ោង ការពេញចិត្តរបស់អ្នកជំងឺ និងក្រុមគ្រួសារ ការសហការជាមួយសហគមន៍ មូលដ្ឋានបានល្អប្រសើរ ។ ក្នុងឱកាសនោះដែរ ឯកឧត្តមវេជ្ជបណ្ឌិតក៏បានពាំនាំនូវការផ្តផ្តាំផ្ញើសាកសួរសុខទុក្ខពីឯកឧត្តមសាស្រ្តាចារ្យរដ្ឋមន្ត្រី ព្រមទាំងថ្លែងអំណរអរគុណ ដល់មន្ត្រីសុខាភិបាលទាំងអស់ដែលបានខិតខំប្រឹងប្រែងកែលម្អបន្តបន្ទាប់ និងបម្រើសេវាថែទាំព្យាបាលជូនប្រជាពលរដ្ឋដោយការទទួលខុសត្រូវខ្ពស់។ មណ្ឌលសុខភាពដែលបានចុះពិនិត្យរួមមាន៖ ១)មណ្ឌលសុខភាពសឿ ២)មណ្ឌលសុខភាពចំណោម ៣)មណ្ឌលសុខភាពសំបួរ ៤)មណ្ឌលសុខភាពគោកបល្ល័ង្គ ៥)មណ្ឌលសុខភាពតាឡំ ៦)មណ្ឌលសុខភាពម៉ាឡៃ ៧)មណ្ឌលសុខភាពបឹងបេង ៨)មណ្ឌលសុខភាពអូរស្រឡៅ ៩)មណ្ឌលសុខភាពអូរសំព័រ ១០)មណ្ឌលសុខភាពទួលពង្រ ១១)មណ្ឌលសុខភាពបល្ល័ង្ក។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)