柬埔寨内政部启动地方政府性别平等与社会公平战略计划

កិច្ចប្រជុំពិភាក្សា សេចក្តីព្រាងច្បាប់ចុងក្រោយ នៃផែនការយុទ្ធសាស្ត្រស្តីពីការបញ្ជ្រាបយេនឌ័រ បរិយាបន្ន និងសមធម៌សង្គម ក្នុងកម្មវិធីជាតិ សម្រាប់ការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិដំណាក់កាលទី២ (២០២១-២០៣០)។ —— រាជធានីភ្នំពេញ៖ ថ្ងៃទី២០ ខែសីហា ឆ្នាំ២០២៦ លោកជំទាវវេជ្ជបណ្ឌិត ចាន់ សុខា អនុរដ្ឋលេខាធិការក្រសួងសុខាភិបាល បានអញ្ជើញចូលរួម កិច្ចប្រជុំពិនិត្យ និងពិគ្រោះយោបល់លើសេចក្តីព្រាងផែនការយុទ្ធសាស្ត្រស្តីពីការបញ្ជ្រាបយេនឌ័រ បរិយាបន្ន និងសមធម៌សង្គម ក្រោមអធិបតីភាពឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប នៅទីស្តីការក្រសួងមហាផ្ទៃ ។ កិច្ចប្រជុំនេះមានគោលបំណងដើម្បី៖ ១)ពិនិត្យ ពិភាក្សាលើសេចក្តីព្រាងចុងក្រោយនៃផែនការយុទ្ធសាស្ត្រស្តីពីការបញ្ជ្រាបយេនឌ័រ បរិយាបន្ន និងសមធម៌សង្គម ។ ២)បន្ស៊ីគ្នារវាងផែនការយុទ្ធសាស្រ្ត ស្តីពីការបញ្ជ្រាបយេនឌ័រ បរិយាបន្ន និងសមធម៌សង្គម និងផែនការយុទ្ធសាស្ត្រស្តីពីការបញ្ជ្រាបយេនឌ័រ និងការណែនាំស្តីពីការលើកកម្ពស់តួនាទីស្ត្រី ក្នុងមុខតំណែងគ្រប់គ្រងរបស់ក្រសួង ស្ថាប័នពាក់ព័ន្ធ នៅថ្នាក់ជាតិ ។ គួរបញ្ជាក់ផងដែរថាកិច្ចប្រជុំនេះមានសមាសភាពចូលរួមសរុប ២៨នាក់ រួមមានក្រសួងមហាផ្ទៃ ក្រសួងសុខាភិបាល ក្រសួងកិច្ចការនារី និងក្រសួងអប់រំ យុវជននិងកីឡា។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)