水净华区一建筑突发火灾 消防部门已完全扑灭火势

Update៖ ករណីអគ្គីភ័យឆាបឆេះអគារនៅខណ្ឌជ្រោយចង្វារ ត្រូវបានកម្លាំងពន្លត់អគ្គីភ័យ គ្រប់គ្រងបានទាំងស្រុងហើយ ភ្នំពេញ៖ គិតត្រឹមវេលាម៉ោងប្រមាណ ៣:១០ នាទីរសៀល ថ្ងៃទី៩ ខែកក្កដា ឆ្នាំ២០២៦នេះ ករណីអគ្គីភ័យដែលបានឆាបឆេះអគារមួយកន្លែង ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ ត្រូវបានកម្លាំងសមត្ថកិច្ចបង្ការ និងពន្លត់អគ្គិភ័យ ព្រមទាំងអាជ្ញាធរមូលដ្ឋាន អន្តរាគមន៍បាញ់ទឹកពន្លត់ និងគ្រប់គ្រងស្ថានការណ៍បានទាំងស្រុងហើយ ដោយមិនបណ្តាលឱ្យរាលដាលទៅដល់ផ្ទះប្រជាពលរដ្ឋក្បែរខាងឡើយ។ យោងតាមរបាយការណ៍បឋមពីកន្លែងកើតហេតុ ភ្លើងបានរលត់ទៅវិញស្ទើរតែទាំងស្រុង ដោយនៅសល់តែផ្សែងតិចតួចប៉ុណ្ណោះ ហើយក្រុមជួយសង្គ្រោះកំពុងបន្តត្រួតពិនិត្យ និងបាញ់ទឹកស្រោចបន្ថែមដើម្បីការពារកុំឱ្យមានការឆាបឆេះឡើងវិញ។ សូមបញ្ជាក់ផងដែរថា ចំពោះមូលហេតុនៃការកើតមានគ្រោះអគ្គីភ័យនេះ ក៏ដូចជាទំហំនៃការខូចខាត និងព័ត៌មានថាតើមានមនុស្សរងរបួសដែរឬយ៉ាងណានោះ មិនទាន់មានការបញ្ជាក់ផ្លូវការនៅឡើយទេ ដោយសមត្ថកិច្ចជំនាញកំពុងធ្វើការស្រាវជ្រាវ៕