皇家行政学院学员参访国会 学习领导力与现代化改革

សិក្ខាកាមសាលាភូមិន្ទរដ្ឋបាល ទស្សនកិច្ចស្វែងយល់ពីភាពជាអ្នកដឹកនាំនៅវិមានរដ្ឋសភា នាព្រឹកថ្ងៃទី១៦ ខែកក្កដា ឆ្នាំ២០២៦ សិក្ខាកាមវគ្គបណ្តុះបណ្តាល «ភាពជាអ្នកដឹកនាំ និងនវានុវត្តន៍ ជំនាន់ទី៨» នៃសាលាភូមិន្ទរដ្ឋបាល ដឹកនាំដោយ ឯកឧត្តម យក់ ប៊ុនណា បានធ្វើទស្សនកិច្ចសិក្សានៅវិមានរដ្ឋសភា ដើម្បីរៀនសូត្រចំណេះដឹងពីថ្នាក់ដឹកនាំ ជាពិសេសអានុសាសន៍ របស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា។ ក្នុងជំនួបសំណេះសំណាលនេះ សម្តេចប្រធានរដ្ឋសភា បានចែករំលែកនូវចំណុចសំខាន់ៗជាច្រើន រួមមានបទពិសោធន៍ការងារផ្ទាល់ខ្លួនក្នុងការបម្រើជាតិជាង ៤០ឆ្នាំ ការវិវត្តនៃស្ថានភាពជាតិនិងអន្តរជាតិ ព្រមទាំងតួនាទី រចនាសម្ព័ន្ធ និងការងារកែទម្រង់ស៊ីជម្រៅ ដើម្បីធ្វើទំនើបកម្មរដ្ឋសភាក្នុងនីតិកាលទី៧។ តាមរយៈទស្សនកិច្ចនេះ សិក្ខាកាមទាំងអស់បានសម្តែងក្តីសោមនស្សរីករាយ និងទទួលបាននូវពុទ្ធិជាទីពឹងផ្អែក សម្រាប់យកទៅអនុវត្តក្នុងការបំពេញភារកិច្ចបម្រើជាតិ និងប្រជាជន ឱ្យកាន់តែមានប្រសិទ្ធភាពខ្ពស់បន្ថែមទៀត៕