劳工部严惩两名辱骂柬籍员工外籍主管

ក្រសួងការងារចាត់វិធានការលើអ្នកគ្រប់គ្រងជាជនបរទេស២រូបដែលប្រើប្រាស់​អាកប្បកិរិយា​និងសម្តី​មិនសមរម្យចំពោះកម្មករនិយោជិតខ្មែរ ============= ក្រសួងការងារនិងបណ្តុះបណ្តាលវិជ្ជាជីវៈ បានចាត់វិធានការលើអ្នកគ្រប់គ្រងជាជនបរទេសចំនួន២រូប ដែលបានប្រើប្រាស់អាកប្បកិរិយានិងពាក្យសម្តីមិនសមរម្យចំពោះកម្មករនិយោជិតខ្មែរ ដោយតម្រូវឱ្យសុំទោសជាសាធារណៈនិងធ្វើកិច្ចសន្យាបញ្ឈប់អាកប្បកិរិយាបែបនេះ។ ក្រសួងព្រមានថា ប្រសិនបើប្រព្រឹត្តជាលើកទី២នឹងប្រឈមការដកហូតបណ្ណការងារជនបរទេស និងបណ្តេញចេញពីព្រះរាជាណាចក្រកម្ពុជា។ យោងតាមសេចក្តីប្រកាសព័ត៌មាន​នៅថ្ងៃទី១៩ ខែសីហា ឆ្នាំ២០២៦ ចំណាត់ការនេះធ្វើឡើងបន្ទាប់ពីក្រសួងទទួលបានបណ្តឹងពីកម្មករនិយោជិត និងបានពិនិត្យវិភាគយ៉ាងល្អិតល្អន់លើរូបភាព និងសំឡេងពីកាមេរ៉ាសុវត្ថិភាព ស្តាប់ការបំភ្លឺរបស់សាក្សី និងការសារភាពរបស់សាមីជនដែលជាអ្នកគ្រប់គ្រងជនបរទេសទាំង២រូប។ នៅក្នុងនោះម្នាក់បម្រើការងារនៅរោងចក្រ ចាស្ទីន អេលេន (ខេមបូឌា) ហ្គាមេន មែនញូហ្វែកឆឺរីង ឯ.ក ស្ថិតនៅខេត្តកណ្ដាល និងម្នាក់ទៀតនៅរោងចក្រ មីង យ៉ាង អ៊ិនដាស្រ្ទី (ខេមបូឌា) ឯ.ក ស្ថិតនៅខេត្តកំពង់ស្ពឺ។ ============= [🌐អានព័ត៌មាន](https://vayofm.com/news/detail/145061-843.html) [**👉Facebook**](https://www.facebook.com/vayofm) [**👉Telegram**](https://t.me/vayofm)** ** [**👉TikTok**](https://www.tiktok.com/@vayofmradio?_t=8qP0w6MsZfe&_r=1) [**👉**](https://www.tiktok.com/@vayofmradio?_t=8qP0w6MsZfe&_r=1)[**YouTube**](https://www.youtube.com/@vayofm105) **👉**[**IOS **](https://apps.apple.com/us/app/vayo-fm-radio/id993070474) [**👉**](https://apps.apple.com/us/app/vayo-fm-radio/id993070474)[**Android**](https://play.google.com/store/apps/details?id=com.vayofm.bunsorng.vayoapp)