公务部启动5个部门公务员普查 旨在提升行政效率

[ក្រសួងមុខងារសាធារណៈ ត្រៀមចុះធ្វើជំរឿនមន្ត្រីជាក់ស្តែងនៅក្រសួង-ស្ថាប័នចំនួន ៥ បន្ថែមទៀត នាពេលឆាប់ៗនេះ](https://www.facebook.com/share/p/1KQKFMG713/?mibextid=wwXIfr) យុទ្ធនាការជំរឿនមន្ត្រីរាជការជាក់ស្តែងនៅតាមក្រសួង-ស្ថាប័នថ្នាក់ជាតិ នៅតែបន្តបោះជំហានទៅមុខយ៉ាងសកម្ម។ ជាក់ស្តែង ដើម្បីត្រៀមលក្ខណៈឱ្យបានល្អប្រសើរ ក្រុមការងារបច្ចេកទេសនៃក្រសួងមុខងារសាធារណៈ បានរៀបចំកិច្ចប្រជុំជំនួបជាមួយតំណាងក្រសួង-ស្ថាប័នចំនួន ៥ ដើម្បីធានាឱ្យដំណើរការចុះជំរឿននាពេលខាងមុខប្រព្រឹត្តទៅដោយរលូន និងមានប្រសិទ្ធភាពខ្ពស់។ កិច្ចប្រជុំត្រៀមលក្ខណៈនេះ ត្រូវបានរៀបចំឡើងនាព្រឹកថ្ងៃទី៧ ខែឧសភា ឆ្នាំ២០២៦ នៅទីស្តីការក្រសួងមុខងារសាធារណៈ ក្រោមអធិបតីភាព ឯកឧត្តម សុខ សប្បាយណា រដ្ឋលេខាធិការក្រសួងមុខងារសាធារណៈ ដោយមានការអញ្ជើញចូលរួមពីសំណាក់ថ្នាក់ដឹកនាំ មន្ត្រីជំនាញ និងតំណាងក្រសួង-ស្ថាប័នពាក់ព័ន្ធទាំង ៥ សរុបប្រមាណ ៥០រូប។