柬埔寨司法部启动2027至2029年预算战略规划

ឯកឧត្តម ខាន់ វណ្ណៈ រដ្ឋលេខាធិការ និងឯកឧត្តម កើត សេកាណូ ប្រតិភូរាជរដ្ឋាភិបាល និងជាអគ្គលេខាធិការនៃក្រសួងយុត្តិធម៌ អញ្ជើញចូលរួមដឹកនាំកិច្ចប្រជុំផ្ទៃក្នុងកម្រិតបច្ចេកទេស ស្តីពីការរៀបចំផែនការយុទ្ធសាស្រ្តថវិកាឆ្នាំ២០២៧-២០២៩ និងគម្រោងថវិកាឆ្នាំ២០២៧ ក្នុងវិស័យយុត្តិធម៌ =================== នៅព្រឹកថ្ងៃទី២៧/៥/២០២៦ ឯកឧត្តម ខាន់ វណ្ណៈ រដ្ឋលេខាធិការ និងឯកឧត្តម កើត សេកាណូ ប្រតិភូរាជរដ្ឋាភិបាល និងជាអគ្គលេខាធិការនៃក្រសួងយុត្តិធម៌ បានអញ្ជើញចូលរួមដឹកនាំកិច្ចប្រជុំផ្ទៃក្នុងកម្រិតបច្ចេកទេស ស្តីពីការរៀបចំផែនការយុទ្ធសាស្រ្តថវិកាឆ្នាំ២០២៧-២០២៩ និងគម្រោងថវិកាឆ្នាំ២០២៧ ក្នុងវិស័យយុត្តិធម៌ ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី ជាប្រធាន/តំណាងអង្គភាពថវិកាចំណុះទីស្តីការក្រសួងយុត្តិធម៌ និងតំណាងអង្គភាពថវិកា នៃសាលាជម្រះក្តីគ្រប់ជាន់ថ្នាក់។ កិច្ចប្រជុំនេះ រៀបចំឡើងក្នុងគោលបំណងណែនាំអំពីនីតិវិធីហិរញ្ញវត្ថុ និងតាមដាន ត្រួតពិនិត្យនិងវាយតម្លៃលេីការអនុវត្តចំណូល-ចំណាយថវិកាប្រចាំឆ្នាំរបស់អង្គភាពថវិកា ព្រមទាំងកំណត់ទិសដៅការងារសំខាន់ៗជាអាទិភាព សំដៅជំរុញឱ្យការរៀបចំផែនការយុទ្ធសាស្រ្តថវិកាឆ្នាំ២០២៧-២០២៩ និងការរៀបចំគម្រោងថវិកាឆ្នាំ២០២៧ ក្នុងវិស័យយុត្តិធម៌ ប្រកបដោយតម្លាភាព ប្រសិទ្ធភាព ស័ក្តិសិទ្ធិភាព និងគណនេយ្យភាព ស្របតាមកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដោយអនុលោមតាមច្បាប់ស្តីពីប្រព័ន្ធហិរញ្ញវត្ថុសាធារណៈ និងបទប្បញ្ញត្តិពាក់ព័ន្ធ ជាធរមាន។