皇家金边大学旅游系赴JD Manso酒店开展餐饮管理实地教学

ដំណើរទស្សនកិច្ចសិក្សា និងការសិក្សាជាក់ស្តែងលើមុខវិជ្ជា Catering Management for Tourism របស់និស្សិតឆ្នាំទី៣ នៃដេប៉ាតឺម៉ង់ទេសចរណ៍ នៅថ្ងៃទី២០ ខែឧសភា ឆ្នាំ២០២៦ ដេប៉ាតឺម៉ង់ទេសចរណ៍ នៃសាកលវិទ្យាល័យភូមិន្ទភ្នំពេញ បានរៀបចំដំណើរទស្សនកិច្ចសិក្សា សម្រាប់និស្សិតជំនាញទេសចរណ៍ នៅសណ្ឋាគារ JD Manso ដើម្បីសិក្សាបន្ថែមទាក់ទងទៅនឹងការគ្រប់គ្រងផ្នែក Catering Management និង Hospitality Services ក្រោមការដឹកនាំរបស់លោកគ្រូ សាំង ចន្ធូ។ កម្មវិធីនេះផ្តោតសំខាន់លើការសិក្សាអំពីការរៀបចំសេវាកម្មម្ហូបអាហារ ការគ្រប់គ្រងពិធីជប់លៀង ការរៀបចំព្រឹត្តិការណ៍ និងការគ្រប់គ្រងបន្ទប់ស្នាក់នៅ តាមស្តង់ដារវិជ្ជាជីវៈក្នុងវិស័យបដិសណ្ឋារកិច្ច និងទេសចរណ៍។ តាមរយៈដំណើរទស្សនកិច្ចនេះ និស្សិតមានឱកាសទទួលបានបទពិសោធន៍ជាក់ស្តែង ពង្រឹងចំណេះដឹងវិជ្ជាជីវៈ និងអភិវឌ្ឍជំនាញទំនាក់ទំនង ការងារជាក្រុម និងការដោះស្រាយបញ្ហាក្នុងបរិយាកាសការងារពិត។ កម្មវិធីនេះក៏បានរួមចំណែកក្នុងការត្រៀមខ្លួនរបស់និស្សិត សម្រាប់ឱកាសការងារនាពេលអនាគត និងលើកកម្ពស់គុណភាពអប់រំ ស្របតាមតម្រូវការនៃវិស័យទេសចរណ៍។