茶胶省查获3.5吨非法走私冷冻肉 已全部销毁

សមត្ថកិច្ចបង្ក្រាបចាប់សាច់បង្កកជាង៣តោន ឈ្មួញនាំចូលមកដោយខុសច្បាប់ នៅស្រុកអង្គរបុរី តាកែវ ៖ សាច់បង្កកទម្ងន់ជាង៣តោន ដែលឈ្មួញលួចនាំចូលមកពីប្រទេសវៀតណាមតាមទូក ហើយត្រូវបានកម្លាំងសមត្ថកិច្ចបង្ក្រាបចាប់បានកាលពីថ្ងៃទី០៧ ខែឧសភា ឆ្នាំ២០២៦ នៅច្រកបាក់ដៃ ស្រុកអង្គរបុរី ខេត្តតាកែវ ។ តាមសមត្ថកិច្ចបានឱ្យដឹងថាសាច់បង្កកដែលចាប់បាន មានសាច់ក្រក និងប្រហិត ជាផលិតផលនាំចូលមកដោយខុសច្បាប់ សរុបចំនួន៧០បាវ ស្មើនឹង ៣,៥០០ គីឡូក្រាម ។ សមត្ថកិច្ចបន្តទៀតថា សាច់បង្កកទាំងនេះ ពុំមានការវេចខ្ចប់ត្រឹមត្រូវតាមបច្ចេកទេសនោះទេ ដែលធ្វើឱ្យបាត់បង់គុណភាពទាំងស្រុង និងអាចបង្កហានិភ័យដល់សុខភាពសាធារណៈ ប្រសិនបើមានការចែកចាយទៅដល់ដៃអ្នកប្រើប្រាស់ ។ ក្រោយបង្ក្រាបបាន សាច់បង្កទាំងអស់ ត្រូវបានសមត្ថកិច្ចនាំយកទៅដុតកម្ទេចចោល នៅចំណុចខាងលើតែម្តង ៕