司法部与国际组织IBJ探讨司法改革与纠纷解决

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ បានអញ្ជើញទទួលជួបពិភាក្សាការងារជាមួយលោកស្រី Karen I. Tse នាយកប្រតិបត្តិ និងស្ថាបនិក នៃអង្គការ International Bridges to Justice (IBJ) ដែលមានស្នាក់ការនៅប្រទេសស្វីស ==================== នាព្រឹកថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ បានអញ្ជើញទទួលជួបពិភាក្សាការងារជាមួយលោកស្រី Karen I. Tse នាយកប្រតិបត្តិ និងស្ថាបនិក នៃអង្គការ International Bridges to Justice (IBJ) នៅទីស្តីការក្រសួងយុត្តិធម៌។ កិច្ចជំនួបនេះបានលើកឡើងអំពី ប្រវត្តិនៃកិច្ចសហប្រតិបត្តិការរវាងក្រសួងយុត្តិធម៌ និង IBJ ចាប់តាំងពីឆ្នាំ២០១២មកម្លេះ និងបានពិភាក្សាអំពីការបន្តពង្រឹងកិច្ចសហប្រតិបត្តិការតាមរយៈការរៀបចំ MoU ថ្មី ដោយកំណត់វិស័យអាទិភាពថ្មីៗមួយចំនួននៃការកែទម្រង់ប្រព័ន្ធយុត្តិធម៌ រួមមាន ការបណ្តុះបណ្តាល អប់រំ និងផ្សព្វផ្សាយច្បាប់ក្នុងបរិបទឌីជីថល ការផ្តល់ជំនួយផ្នែកច្បាប់ ការគ្រប់គ្រងសំណុំរឿងតាមប្រព័ន្ធឌីជីថល និងការដោះស្រាយវិវាទក្រៅប្រព័ន្ធតុលាការ ជាដើម។ល។ កិច្ចជំនួបនេះ មានការអញ្ជើញចូលរួមពីឯកឧត្តម ឯម ច័ន្ទមករា រដ្ឋលេខាធិការក្រសួងយុត្តិធម៌, ឯកឧត្តម ប៉ូច សោភ័ណ អនុរដ្ឋលេខាធិការ, អគ្គនាយក និងមន្ត្រីនៃក្រសួងយុត្តិធម៌ផងដែរ។