柏威夏省宪兵指挥官遭砍伤 嫌疑人已被捕

ជនសង្ស័យម្នាក់ត្រូវបានឃាត់ខ្លួន ក្រោយប្រើកាំបិតខ្វែវកាប់មេបញ្ជាការមូលដ្ឋានកងរាជអាវុធហត្ថស្រុកគូលែន រងរបួសធ្ងន់ ព្រះវិហារ៖ កាលពីថ្ងៃទី២៩ ខែកញ្ញា ឆ្នាំ២០២៦ វេលាម៉ោង៥និង៥១នាទីល្ងាច មានករណីហិង្សាដោយចេតនា ដោយជនសង្ស័យប្រើកាំបិតខ្វែវកាប់ទៅលើបុរសម្នាក់ បណ្តាលឱ្យរងរបួសធ្ងន់ ខណៈកំពុងដេកលើអង្រឹងនៅកញ្ចុះខាងក្រោយផ្ទះ។ ហេតុការណ៍នេះបានកើតឡើងនៅផ្ទះជនរងគ្រោះ ស្ថិតក្នុងភូមិស្រយង់ត្បូង ឃុំស្រយង់ ស្រុកគូលែន ខេត្តព្រះវិហារ។ ជនរងគ្រោះឈ្មោះ ចាន់ ស៊ី ភេទប្រុស អាយុ៤៨ឆ្នាំ មុខរបរមេបញ្ជាការមូលដ្ឋានកងរាជអាវុធហត្ថស្រុកគូលែន រស់នៅក្នុងមូលដ្ឋានកើតហេតុ។ ជនរងគ្រោះបានរងរបួសบริเวณខាងស្តាំក្បែរត្រចៀក បណ្តោយពីកញ្ចឹងកឡើងទៅលើក្បាល ប្រវែងប្រមាណ២១សង់ទីម៉ែត្រ ហើយត្រូវបានបញ្ជូនទៅសម្រាកព្យាបាលនៅមន្ទីរពេទ្យក្នុងខេត្តសៀមរាប។ តាមព័ត៌មានបឋម មុខសញ្ញាសង្ស័យឈ្មោះ លាង វាសនា ភេទប្រុស អាយុ៣៧ឆ្នាំ មុខរបរកសិករ និងមានទីលំនៅក្នុងភូមិ-ឃុំជាមួយគ្នា។ មូលហេតុត្រូវបានសង្ស័យថា ផ្តើមចេញពី គំនុំ ដោយនៅពេលកើតហេតុ ជនរងគ្រោះកំពុងដេកលើអង្រឹងនៅកញ្ចុះខាងក្រោយផ្ទះ ស្រាប់តែជនសង្ស័យដើរមកពីក្បាលដំណេក រួចប្រើកាំបិតខ្វែវកាប់ពីខាងក្រោយ បណ្តាលឱ្យរងរបួស។ ក្រោយកើតហេតុ សមត្ថកិច្ចបានឃាត់ខ្លួនមុខសញ្ញាសង្ស័យ និងនាំទៅកាន់អធិការដ្ឋាននគរបាលស្រុកគូលែន ដើម្បីសាកសួរ និងបន្តនីតិវិធីតាមច្បាប់៕