柬埔寨2027年最低工资谈判持续 劳资双方分歧仍存

📷 ភាគីពាក់ព័ន្ធបន្តជួបគ្នាជាថ្មីនៅព្រឹកថ្ងៃចន្ទនេះ កំណត់តួលេខប្រាក់ឈ្នួលកម្មករ ខណៈកន្លងមក មិនទាន់ឯកភាពគ្នា កិច្ចប្រជុំចរចាប្រាក់ឈ្នួលកម្មករនិយោជិតក្នុងឧស្សាហកម្មវាយនភណ្ឌកាត់ដេរ ផលិតផលស្បែកជើង និងផលិតផលធ្វើដំណើរ និងកាបូប ឆ្នាំ២០២៧ បានបន្តជួបគ្នាជាថ្មី នៅព្រឹកថ្ងៃទី២៨ ខែកញ្ញា ឆ្នាំ២០២៦នេះ ដើម្បីកំណត់រកតូលេខរួមមួយ ខណៈកិច្ចប្រជុំកន្លង ភាគីពាក់ព័ន្ធមិនទាន់មានការឯកភាពគ្នា។ ក្នុងកិច្ចប្រជុំ៣លើកកន្លងមក តំណាងភាគីកម្មករ បានបន្តរក្សាស្នើតួលេខចំនួនពីរផ្សេងគ្នា ដែលក្នុងនោះភាគច្រើនបានរក្សាស្នើកំណើនចំនួន ១៥,៣ដុល្លារ ស្មើនឹង ២២៥,៣ដុល្លារ និងមួយចំនួនទៀតសុំកំណើនចំនួន ៤០,៦ដុល្លារ ស្មើនឹង ២៥០,៦ដុល្លារ។ ដោយឡែក តំណាងភាគីនិយោជក សុំរក្សាតួលេខបច្ចុប្បន្ន ២១០ដុល្លារអាម៉េរិកដដែល។