柬埔寨司法部召开会议 严打网络诈骗洗钱犯罪

ឯកឧត្តម កេង សុម៉ារិទ្ធ រដ្ឋលេខាធិការក្រសួងយុត្តិធម៌ បានដឹកនាំកិច្ចប្រជុំពិភាក្សាលេីបញ្ហាប្រឈមនានាពាក់ព័ន្ធនឹងការចាត់ការសំណុំរឿងសម្អាតប្រាក់ នៃសំអាងបទល្មើសឆបោកតាមប្រព័ន្ធបច្ចេកវិទ្យា ===================== ទីស្តីការក្រសួងយុត្តិធម៌៖​ នារសៀលថ្ងៃពុធ ១៣កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៦ ខែសីហា ឆ្នាំ២០២៦​ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌, ឯកឧត្តម កេង សុម៉ារិទ្ធ បានដឹកនាំកិច្ចប្រជុំពិភាក្សាលេីបញ្ហាប្រឈមនានាពាក់ព័ន្ធនឹងសំណុំរឿងសម្អាតប្រាក់នៃសំអាងបទល្មើសឆបោកតាមប្រព័ន្ធបច្ចេកវិទ្យា​ ជាមួយក្រុមការងារនៃអគ្គស្នងការដ្ឋាននគរបាលជាតិ​ ដឹកនាំដោយ​ ​ឯកឧត្តមឧត្តមសេនីយ៍ឯក​ ស៊ាង​ ធារិទ្ធ​ អគ្គស្នងការរងនគរបាលជាតិ។ កិច្ចប្រជុំនេះ​ ក៏មានការអញ្ជេីញចូលរួមពី​ ឯកឧត្តមប្រធានសាលាដំបូង​ និងឯកឧត្តម​ព្រះរាជអាជ្ញាអមសាលាដំបូងខេត្តកណ្តាល​ ខេត្តស្វាយរៀង​ ខេត្តបន្ទាយមានជ័យ​ ព្រមទាំងតំណាងពីសាលាដំបូង​ និងអយ្យការអមសាលាដំបូង​ រាជធានីភ្នំពេញ​ និងខេត្តព្រះសីហនុ​។ ក្នុងកិច្ចប្រជុំនេះ​ បានពិភាក្សាលេីបញ្ហាប្រឈម​ និងដំណោះស្រាយនានាក្នុងការអនុវត្តការងារពាក់ព័ន្ធនឹងបទល្មេីសសម្អាតប្រាក់​នៃសំអាងបទល្មេីសឆបោកតាមប្រព័ន្ធបច្ចេកវិទ្យា​ ដេីម្បីធានាបាននូវប្រសិទ្ធភាព​នៃចំណាត់ការឱ្យស្របតាមនីតិវិធីជាធរមាន។