高棉产品展落幕 志愿者团队获公开致谢

មកមុនគេ ទៅវិញក្រោយគេ យុវជនស្ម័គ្រចិត្ត បុគ្គលិកអនាម័យ សន្តិសុខ បងកងកម្លាំង ក្រុមសង្រ្គោះបឋម ក៏ដូចជាអាជ្ញាធរពាក់ព័ន្ធ ក្រុមការងាររៀបចំគឺជាឆ្អឹងកងនៃភាពជោគជ័យរបស់កម្មវិធីពិព័រណ៍ផលិតផលខ្មែរ ក្រោមប្រធានបទ “ខ្មែរធ្វើបាន៖ ចូលរួម ជំរុញ គាំទ្រផលិតផលក្នុងស្រុក”។ កិច្ចខិតខំប្រឹងប្រែងរបស់ពួកគាត់ស្តែងចេញពីការយល់ច្បាស់ពីគុណតម្លៃ និងស្មារតីស្នេហាជាតិមាតុភូមិ តាមរយៈការលះបង់ និងចូលរួមយ៉ាងសកម្មក្នុងបុព្វហេតុរួម។ ទោះបីហត់កាយ តែមិននឿយណាយចិត្តឡើយ។ សូមកោតសរសើរនូវទឹកចិត្ត ឆន្ទៈនិងស្មារតីប្រកបដោយការទទួលខុសត្រូវ និងវិជ្ជាជីវៈដែលបានធ្វើឱ្យកម្មវិធីបញ្ចប់ទៅដោយស្នាមញញឹម និងអនុស្សាវរីយ៍រាប់មិនអស់!