柬埔寨公务员部举办第3届公共服务数字化论坛

ក្រសួងមុខងារសាធារណៈ ដឹកនាំសម្របសម្រួលវេទិកាចែករំលែកទី៣ ស្ដីពី «និន្នាការលេចធ្លោ និងដំណោះស្រាយច្នៃប្រឌិត ក្នុងការផ្តល់សេវាសាធារណៈ» ដើម្បីផ្លាស់ប្តូរបទពិសោធ និងលើកកម្ពស់ប្រសិទ្ធភាពការងាររដ្ឋបាល ក្នុងយុគសម័យឌីជីថល ក្រសួងមុខងារសាធារណៈ បានរៀបចំវេទិកាចែករំលែកទី៣ ក្រោមប្រធានបទដ៏មានសារៈសំខាន់៖ «និន្នាការលេចធ្លោ និងដំណោះស្រាយច្នៃប្រឌិតក្នុងការផ្តល់សេវាសាធារណៈ» (Emerging Trends and Innovative Solutions in Public Service Delivery) ដោយមានវាគ្មិនជាតំណាងជាន់ខ្ពស់ និងអ្នកជំនាញមកពីប្រទេសមីយ៉ាន់ម៉ា ទីម័រឡេស្តេ វៀតណាម និងជប៉ុន។ តំណាងប្រទេសនីមួយៗបានបង្ហាញពីវឌ្ឍនភាព និងយន្តការកែទម្រង់រៀងៗខ្លួន ជាពិសេសការយកគំរូតាមប្រព័ន្ធបច្ចេកវិទ្យាទំនើប និងការអនុវត្តជាក់ស្តែងក្នុងតំបន់អាស៊ាន។ វេទិកាចែករំលែកទី៣ ផ្តល់ផលប្រយោជន៍ជាយុទ្ធសាស្ត្រយ៉ាងច្រើនដល់សមាជិក ACCSM ក្នុងការការអនុវត្តបច្ចេកវិទ្យាទំនើប និងការបង្កើតប្រព័ន្ធឆ្លាតវៃ ដែលអាចធ្វើឱ្យប្រព័ន្ធរដ្ឋបាលរបស់បណ្តាប្រទេសអាស៊ាន មានភាពរហ័ស ងាយស្រួល និងឆ្លើយតបនឹងតម្រូវការជាក់ស្តែង ពិសេសបង្កលក្ខណៈងាយស្រួលដល់ការតភ្ជាប់ទិន្នន័យរដ្ឋបាល និងសេវាកម្មរវាងប្រទេសជាសមាជិកនាពេលអនាគត។ សិក្ខាកាមទាំងអស់បានវាយតម្លៃខ្ពស់ចំពោះខ្លឹមសារ និងលទ្ធផលនៃវេទិកានេះ ដែលជាទុនគំនិតដ៏មានតម្លៃ សម្រាប់យកទៅអភិវឌ្ឍស្ថាប័នរដ្ឋបាលសាធារណៈរៀងៗខ្លួន ឱ្យកាន់តែមានតម្លាភាព និងគណនេយ្យភាពខ្ពស់ ក្នុងការរួមចំណែកធ្វើកំណែទម្រង់រដ្ឋបាលសាធារណៈឱ្យកាន់តែទំនើប មានបរិយាបន្ន និងឆ្លើយតបបានយ៉ាងមានប្រសិទ្ធភាព ទៅនឹងតម្រូវការជាក់ស្តែងរបស់ប្រជាពលរដ្ឋ៕ #23ACCSM #ACCSMCambodia #ACCSMPlus3Cambodia #PublicServiceReformKH #ASEANCivilService #BetterServiceDelivery