柬埔寨公共职能部与劳工部合作优化机构结构

ក្រសួងមុខងារសាធារណៈ និងក្រសួងការងារ និងបណ្តុះបណ្តាលវិជ្ជាជីវៈ បន្តវិភាគមុខងារ និងកែសម្រួលរចនាសម្ព័ន្ធស្ថាប័ន ដើម្បីបង្កើនប្រសិទ្ធភាពការងារ ដោយអនុវត្តយ៉ាងខ្ជាប់ខ្ជួននូវអភិក្រមរបស់ សម្តេចមហាបវរធិបតី «ពង្រឹង ជាជាងពង្រីក» និង «រៀបចំផ្ទះ ឱ្យរៀបរយ»ដែលរាជរដ្ឋាភិបាលបានដាក់ចេញ និងដើម្បីពន្លឿនការកែទម្រង់រដ្ឋបាលសាធារណៈ។ ក្នុងន័យនេះ ក្រសួងមុខងារសាធារណៈ ជួបពិភាក្សាជាមួយ ក្រសួងការងារ និងបណ្តុះបណ្តាលវិជ្ជាជីវៈ និងក្រសួង ស្ថាប័នដែលពាក់ព័ន្ធ បានពិភាក្សា និងពិនិត្យលើសេចក្តីព្រាងប្រកាសស្តីពី «ការរៀបចំ និងការប្រព្រឹត្តទៅ របស់ការិយាល័យចំណុះរចនាសម្ព័ន្ធនៃអគ្គលេខាធិការដ្ឋាន និងអគ្គនាយកដ្ឋាន របស់ក្រសួងការងារ និងបណ្តុះបណ្តាលវិជ្ជាជីវៈ»។ កិច្ចប្រជុំនេះដឹកនាំដោយ លោកជំទាវ ឈី វិជ្ជរ៉ា រដ្ឋលេខាធិការក្រសួងមុខងារសាធារណៈ បានជួបពិភាក្សាជាមួយ ឯកឧត្តម ហួត ស៊ីនាថរដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ និងក្រសួង ស្ថាប័នដែលពាក់ព័ន្ធ នារសៀលថ្ងៃទី១៤ ខែតុលា ឆ្នាំ២០២៦នេះ នៅទីស្តីការក្រសួងមុខងារសាធារណៈ។ **📲 **[**អានព័ត៌មានលម្អិតនៅលើបណ្ដាញសង្គម**](https://web.facebook.com/share/p/19GLuoQpmN/)** 👉 តំណភ្ជាប់ទៅកាន់គេហទំព័រ និងបណ្តាញសង្គម 🌐 | **[**Website**](https://www.mcs.gov.kh/)[** 🌐 **](https://youtube.com/@MinistryofCivilService)**|**[** Facebook  🌐 **](https://web.facebook.com/CivilServiceCambodia)**|**[** Instagram    🌐 **](https://www.instagram.com/civilservice_cambodia?igsh=MWRrZWIwamh4ZW9uZA==)**|**[** Tiktok 🌐 **](https://www.tiktok.com/@mcsgovernment?)**|**[** Telegram  🌐 **](http://t.me/mcsgovkh)**|**[** YouTube**](https://youtube.com/@MinistryofCivilService)